景福宮韓國餐廳 @ 官塘 ( 18-jun-2011 )

( 18-jun-2011 sat )

今朝要番工   家姐又要去媽咪屋企整嘢   所以就同我去麥記食早餐喇 ~

菇場無啦啦有急嘢做   想抖下都唔得添 ~  

放工去百佳買嘢   點知又比我買到湯包   之前 $100 / 4包   依家 $110 / 4 包   不過呢個牌字湯包真係唔錯   唔過 $30 / 包都算平囉   我買咗 8 包   得閒煲下   有時想飲湯但又唔想買料洗料   煲湯包就最好不過呢 ~  

番到屋企放低 d 嘢就出發食 tea 喇   好耐無去大快活   所以又好想去喇 ~

食飽有氣力   好在里奧大人幫我開咗機洗衫   又熨埋兩機衫   所以我可以好專心咁抹嘢   抹完嘢就開始煮肉醬意粉喇 ~

尋晚問媽咪食唔食肉醬意粉   媽咪話好喎   所以我就煮啦   差唔多煮咗一個鐘   好攰呀 ~



洗埋嘢就即刻沖涼   之後同里奧大人一齊去探媽咪呢 ~  

好感恩媽咪做咗手術   咁又有胃口食嘢喎   我又整多一小盒比家姐食   家姐話好好味   媽咪都話好味   但就甜咗 d   酸番小小就更好   我因為煮埋聽日 lunch   里奧大人又唔鍾意咁酸嘛   如果唔係我都鍾意酸 d   開胃 d 家嘛 ~  

今晚 7 點 50 分走人   居然無人等的士   之前兩晚 8 點鐘走   落到的士站係無的士架   下次都係早小小走好 d ~

大家都想食韓燒   所以就去景福宮喇   等咗差唔多半個鐘就有位  $118 / 位 + 10%   任食兩個鐘   不過   呢間嘢永遠唔會再去   請都唔會再去   因為 d 嘢食係無味嘅   衰到醃都唔醃嘅   好唔掂呀 ~

因為我地猜包剪揼   基本上我次次都輸架   好難得今次贏   咁因為我同家姐出拎嘢食嘅時候   餐廳要埋數   所以里奧大人就比錢   其實我地都諗住比架啦   咁我等車嘅時候   家姐打黎話放咗 $400 喺我袋入面   話願賭服輸咁話喎 ~