漁米之香 @ 九龍灣 ( 17-jun-2011 )

沙爹金菇肥牛煲 - 都好大煲喎   肥牛份量 ok   但太多粉絲   無咩金菇囉菠蘿咕嚕肉 - 里奧大人一坐低已經話要呢碟餸   唔叫唔得啦   不過又真係幾好味嘅燒鴨 - 嘩   仲以為自己食緊臘鴨   我第一次食到咁鹹嘅燒鴨架咋粟米魚肚羹 - 無味嘅   我教友又話好好味   嗚嗚嗚

( 17-jun-2011 fri )

今朝等咗 20 分鐘巴士   真係等到腰骨痛呀   搞到我又要好趕咁食早餐   不過點趕都好   我真係唔想買早餐番菇場食囉 ~



菇場真係靜到好恐怖架   之前有位新同事都話好靜   原來尋日 last day 添   做咗都唔夠一星期   咁靜雖然係好難頂   但唔代表妳之後間公司唔靜喎   我覺得如果妳上司 or 部門同事玩針對   咁唔做係正常   但因為靜唔做   就有 d 怪囉   公司唔係比妳傾計家嘛 ~

晏晝同 8 卦出去食   今次到我請番去喇   無拖無欠   我仲要佢唔準自己食先   要一齊叫炒嘢   咁就唔駛好似得我自己一個人食咁喇   我唔鍾意人地望住我食架   周身唔自在咁 ~

放工探媽咪   仲喺排緊手術室   之後 6 點幾姑娘話仲有 5 個人排隊   我地心諗實唔得啦   咁媽咪全日無食嘢家嘛   我 7 點半去 Canteen 買嘢比媽咪   番到病房 7 點 50 分   再問問姑娘食唔食得嘢   姑娘話唔好住   可能有機做到   要等到 8 點半先好食喎 ~ 

我 8 點 10 分走喇   同里奧大人又去漁米之香   我間唔中就好想食中菜   可能呢度無咩好選擇啦 ~   

差唔多 8 點半媽咪打黎話姑娘要佢 9 點先可以食嘢   咁我都好希望可以做到手術嘅   唔駛又要餓成日嘛   咁之後我 9 點 10 分打比媽咪   媽咪聽電話   即係唔做得啦   唉   咁希望聽日可以做啦   咁樣餓唔係辦法囉 ~