特色焗春卷 ( 地中海風味 / 墨西哥風味 / 泰國風味 ) ( $88 ) - 依家睇番先知原來英文係 Tortilla Spring Rolls 我地一心以為係中式春卷果 d 春卷皮 點知原來又係包包 我食咗 2 件咋 仲係唔知點款打點款 最後食剩 3 件 所以 mimi 即刻指住我黎話 最衰我叫 3 款喎 因為我以為 2 同 3 款同係 $88 呀 @.@
秘制牛油果醬 / 沙爹醬汁 / 香濃意大利茄乾醬 - 不過沙爹汁好甜 好怪 其他 2 款醬汁無認真點試 不過印象中茄乾醬係無咩味囉 如果好味 我會狂點醬嘛
五色芝士.鮮茄薄餅 ( $92 ) - 賣相唔錯噃 不過餅底唔脆 第 1 啖好濃芝士味 之後食到最後果塊就覺得完全無芝士味 失望啦
咁樣睇好多芝士呢 以為好濃芝士味 點知....
如果呢個邊邊都脆就好 不過....
Roy Roger ( $38) - 我嘅 都幾好飲 最驚又係無厘味道呀
Sunriser ( $38 ) - Mimi 嘅 成杯冰 唔飲都覺得凍呀 佢飲完真係着番件外套呢
Hot Sauce - 叫佢比 Tabasco 佢就比咗呢支嘢 自從上次去完馬來西亞食碌碌之後 我有 d 驚辣椒醬 問 Mimi 辣唔辣 佢又係都要我自己試 ( 衰 ) 我一試就覺得有陣 " 格甩底 " 味啦 又唔辣 仲以為呢支勁嘢 諗住買比家姐食添 依家唔駛 lu
尋晚瞓到半夜熱到流汗呀 但望見里奧大人又包實哂張被 咁即係得我一個熱啦 無啦啦熱到出汗 我真係驚架 不過諗番起 可能又當參湯又榴槤 行氣活血又補身 唔流算血已經好好架喇 ~
有 d 熱呀 本來想食湯米粉都唔食喇 食三文治算數 之後 8 卦又黎埋 不過佢食嘢超快 都唔明點解要咁快 ~
菇場忙咗陣就 hea 喇 有時聽 d 同事講笑 我真係一 d 都唔覺好笑 我覺得係好夾硬囉 以為自己好好笑果 d 呢 但佢 d frd 就笑囉 真係好難頂 ~
晏晝行咗陣先買燒賣炒米粉番菇場食 撈埋 xo 辣醬真係超級正呀 ~
放工約咗老友 Mimi 食飯 之前其實想話食中菜 不過講下講下又想食 pizza 因為我想食 Cheese Pizza 本來 Mimi 話去 Pizza Hut 但我又唔想喎 想去 d 特別 d 所以揀咗 CPK 喇 最近就係旺角家樂商場呢間喇 ~
星期五一出到旺角就勁塞車 所以我最後都揀搭地鐵喇 約埋 Mimi 喺油麻地地鐵站等 咁好啦 順便由佢帶路 等佢有 d 成功感 邊度都識去咁 ~
估唔到佢着短袖 我着中袖 因為我唔覺得熱到要着短袖囉 不過佢話好熱 可能我成日坐喺菇場 所以覺得凍 出到黎就啱啱好咁呢 ~
我 book 咗 6 點半 咁我地 6 點 20 分已經到咗 佢話入坐位開始計個半鐘 即係由 6 點 20分開始 count 時間 真係痴線 又唔係多人 駛唔駛同我計果 20 分鐘先 呢下我真係好唔鍾意囉 根本果張枱就係留咗比我家嘛 ~
因為我兩星期前 book 嘅 佢問我要唔要 special request window seat 咁我話好啦 special request 先有咁喎 點知原來係只有 mimi 對住 window 我就背住 window 正想係張枱貼住 window 家嘛 咁大家都可以望下 "街景" ( 雖然無嘢好望 ) ~
一坐低我話好肚餓 所以第一時間睇 menu 最搞笑我地一睇 pizza 個價錢 一齊講咁平嘅 所以我好一廂情願咁諗 呢間 pizza 店係又平又好味 ~
但 d 服務真係唔掂囉 基本禮貌都無 放杯水嘅時候仲離奇 就係飛張餐紙落枱再放杯水 我影緊相 仲以為係 Mimi 玩嘢呀 完全無諗過咁樣放杯水囉 之後我地 order 嘢飲黎咗 佢一輪咀講都唔知佢講咩 又細聲 佢講咗 3 次先知杯嘢飲係邊個 ~
食物都上得幾快 可能因為有時限啦 咁我地要影相嘛 所以影完都要快快食 唔係好快凍 ~
食下傾下 估唔到傾到 9 點 45 分都無比人趕 但出面又有人排隊等位架喎 ~
我要 Mimi 陪我去 Lanegie 買嘢 所以都要走喇 驚人地收咗舖呀 ~
買完都 10 點幾 各自歸家 lu Mimi 搭地鐵 我搭 van 仔 自從上次同佢食飯之後 果晚我每月一到 所以超勁唔舒服 好辛苦先番到屋企 佢今次又好驚我又會好唔舒服番屋企咁 問咗幾次我識唔識路 我當然識啦 搭 van 仔搭咗幾廿年嘛 上到車佢又要我番到屋企 sms 佢平安到達 woo 好細心呀 ~
里奧大人今日無啦啦要上大陸 估唔到同我差唔多時候到九龍灣 佢話等埋我先一齊番屋企 我話唔駛啦 唔係一陣無啦啦塞車 佢又有排等 天氣又焗 早 d 番屋企好過 估唔到佢都好醒 開定冷氣等我 因為我真係好鬼怕熱呢 ~
沒有留言:
發佈留言