泰北美食 @ 九龍城 ( 21-apr-2012 )

牛肉泰式冬蔭功湯河粉 ( 加辣 ) ( $ 40 淨湯粉 ) - 人地明明叫牛丸嘛   佢地比錯牛肉   不過里奧大人話唔換喎   當試新嘢   我覺得個湯辣喎   但里奧大人話唔辣   要加辣椒粉   好堅呀

馬拉盞炒通菜 ( $42 ) - 好濃味   我鍾意   再仔細望望 d 馬拉盞醬汁   有好多蝦米仔   超級恐怖   雖然我知用蝦米仔整嘅  

拚盤 ( 炸蝦餅 / 扎肉 / 蝦片 / 雞卷 ) ( $89 ) - 之前好似 $7x 咋   同埋係豬頸肉唔係蝦片  不過我都無咩所謂   因為 d 蝦片超好味呢   但覺得豬頸肉應該貴過蝦片   反而價錢就加咗   唔係咁合理囉     

泰式青檸梳打 ( $15 ) - 無青檸味嘅 @.@ 

( 21-apr-2012 sat )

終於   終於每月一次嘅 off 喇   超勁開心 ~  

同里奧大人差唔多 10 點半先起身   所以梳洗之後就落去大快活食早餐   諗住食完早餐去超市買廁紙   咁問家姐買唔買   估唔到佢都要買   所以就約埋一齊去超市買嘢喇 ~

好感恩可以買到廁紙呀   因為咁平唔係成日有嘛   好在今日我 off   唔係等我放工先買就實無 lu ~  

本來諗住走   不過又想行下買下   所以叫里奧大人番屋企先   我同家姐可以慢慢行   慢慢計數   買下買下都滿咗 3 架車   本來諗住送貨   但又唔想等   所以叫埋里奧大人落黎幫手拎喇   我負責看車   佢地每人分兩轉黎拎   管理員問 d 廁紙係咪好平   仲駛問嘅   唔平都唔買咁多啦   不過我地又買埋比媽咪   其實都唔係好多囉 ~

家姐上我屋企坐   食下零食傾下計   我地差唔多 2 點半就出發去德福嘅 Delifrance 食 tea 喇 ~

阿表喺馬來西亞買比我嘅   話越食越辣   叫我同家姐一齊食   終於等到家姐黎食   真係越食越辣   正   33

食完就各自歸家   平時我 off 都可能會諗煮咩   唔知點解今日居然無諗   係一心一意諗住出去食喎 ~

我煲碟   里奧大人就做公司嘢   我地差唔多 6 點就搭車出九龍城食泰菜喇 ~

又係去泰北美食   好感恩裝修咗呀   坐得舒服 d 嘛   同埋居然開冷氣   所以真係份外感恩呢   好記得之前食果次係無咩冷氣咁   熱到暈呀 ~

食完行一陣就搭車番屋企 lu   里奧大人都唔做公司嘢   睇之前錄咗嘅電視劇   咁先係嘛   日日咁做個腦都實哂   適當時候真係要等佢休息下呢 ~