辣汁金銀蛋 + Sambal Tuna 炒飯 + 蛋花栗米湯+ 徑步 ( 10-apr-2012 )

( 10-apr-2012 tue )

woo   雖然放完假   但星期二番工感覺真係好過星期一番工咁囉   雖然都係放假第二日番工 ~

雖然都幾精神   不過早餐都一定要飲咖啡   話哂假期朝朝瞓到 10 點嘛   驚番工眼瞓呀  ~

其實菇場無嘢做係唔悶嘅   但 d 氣氛真係令人好悶好眼瞓囉   毫無生氣可言 ~

終於到 lunch time 啦   又係 k + 藍莓乳酪   食埋聽日咋   真係諗起都振奮呀 ~

放工諗住去買嘢   不過無得買   行到攰又唔想行去街市買菜   所以直接番屋企算喇 ~

是日懶餐 - 辣汁金銀蛋 + Sambal Tuna 炒飯 + 蛋花栗米湯

辣汁金銀蛋 - 跟食譜架   不過又係減咗好多醬料   佢有蒜蓉   指天椒   孜然粉等等   不過我只係用咗辣豆辣醬   鎮江醋   生抽同埋麻油   原來食譜係鎮江醋一茶匙   我就落咗 1 湯匙   所以用黎拌魚蛋皮蛋一齊食   味道係極之怪   酸嘅魚蛋呀   可想而知幾難頂   我都勁喇   食咗 6 粒   其他留比里奧大人食   佢食嘅時候又無咩嘢喎   無味蕾嘅   不過我好好心話   如果食唔哂可以唔食   因為我真係覺得好難食呀 ~

Sambal Tuna 炒飯 - 罐 Sambal 喺馬來西亞 Jusco 買架  Promoter 介紹就咁開黎撈飯食   我覺得食嘅時候帶點酸   咁今次用黎炒飯   唔知係咪太多飯   同埋紅米關係   所以食唔出味道添   下次都係就咁撈飯食   好味又方便 ~

蛋花栗米湯 - 無菜嘛   所以又開粟米湯啦   間唔中飲下都好   等自己記得有買過粟米湯呢 ~

里奧大人又未放工   所以我 8 點半出去徑步   番到屋企沖完涼   佢就啱啱番到屋企   幫佢開埋飯   一番到屋企即刻有得食   幾咁好呀   因為佢夠哂懶嘛 ~