馬來沙爹鍋 - 完全無味 仲衰過一包包果 d 汾爹湯底
跳出地獄鍋 - 聞落好似好辣 不過一樣無味
一人一鍋
美國安格斯牛肉 - 都有牛肉味 叫咗 3 碟呢個嘅份量 好離奇囉 我地分開 3 次叫 次次唔同份量 2 份 3 份 4 份咁叫嘛 但次次都係呢碟 size 囉 妳話幾求其呢
手打鯪魚球 - 口感完全唔掂 同埋無味嘅
魚皮餃 (左 ) / 韭菜豬肉餃 ( 右 ) - 全宇宙最難食嘅餃 非佢地莫屬 淥咗好耐 d 餡都係一pat 漿糊咁 咩黎架 @.@
秀珍菇 / 雞肶菇 / 豬紅 / 白蘿蔔 / 鯇魚片 - 無特別
芝士丸 / 龍蝦 / 牛丸 / 豬肉丸 - 無特別 係未解凍完就拎出黎嘅
西洋菜 / 油麥菜 / 白菜仔 - 無特別
雞肶菇 / 腐竹 / 豬潤 / 芋絲 / 豆卜 / 魷魚 / 豬皮 - 無特別
炸魚皮 - 唔脆嘅
竹串海蝦 - 無特別
黑豚肉片 - 以為送架 因為好肉酸 不過睇番原來應該係里奧大人叫嘅
本地肥牛 - 一上枱嚇暈啦 肉酸到丫 幾驚以為係佢口中嘅安格斯牛肉呀 我話咁肉酸應該係送啦 原來又係里奧大人叫嘅
細可口可樂 $15/3支
任添醬料 - 我地一 "不" 完就即拎走 感覺好似成間酒樓得一個醬料格咁
( 14-apr-2012 sat )
今朝 8 點起身 再去樓下超市 shopping 先番菇場附近食早餐 10 點番到菇場 爽到爆 ~
星期六好小有嘢做啦 所以都係 hea 住等放工 同埋唔係得我咁樣架 shipping 同事話船公司星期六都唔開 所以佢都話唔知番黎做咩 ~
約咗家姐同里奧大人拜爸爸 所以放工即走喇 約里奧大人喺官塘地鐵站等 再約家姐喺鯉魚門廣場等 因為夜晚打邊爐 所以都係食完 lunch 先拜爸爸 多 d 時間消化下 ~
叉燒火腿炒蛋意 ( 黑椒汁 )
蟹籽雲吞河
豬軟骨米線
食到差唔多 3 點 之後搭 14S 上去 逗留咗好似 20 分鐘左右就走 lu 再搭巴士番屋企 番到屋企都 4 點 去麥記買咗杯凍焦糖鮮奶咖啡番屋企 share 飲 正呀 ~
家姐 5 點 40 分就去買嘢比媽咪食 再喺媽咪屋企樓下坐的士 join 埋我地一齊去 Mega Box 喇 ~
我之前同 8 卦一齊團購咗魯一居打邊爐 ( $98/位 ) 安格斯牛肉任食 好似好抵咁 所以訂埋家姐個位呢 ~
6 點 40 分去到 都 full 咗大半個場 個 waiter 一路帶我地入去一路話要快 d order 湯底 講嘢又快 都痴鬼線 講到好似好多人黎食 趕住比枱人咁 ~
之後排隊拎嘢食 食物一 d 都唔吸引 牛柏葉有 d 黑色咁 大佬 第 1 輛咋噃 好恐怖啫 d 人夾完 1 轉 都好小翻兜 ~
一人一鍋 我覺得都幾好 夠衛生 同埋可以試 3 個唔同款湯底 不過我同里奧大人一樣湯底 家姐就另一款 不過大家一樣出哂事 湯底完完全全係無味嘅 ~
無味湯底 咁唔加指天椒都唔得啦 呢間做法似稻香咁 一定要成枱要 唔可以一個要 所以我地就每人加 $6 無限添加醬料 ~
咁打邊爐實口渴啦 所以叫咗 $15/3支細可樂 咁樣好似稻香抵 d 因為加 $8 包埋嘢飲 ~
食到咁上下 家姐直頭用 "嘥時間" 黎呢度食添呀 可想而知幾難食 不過坐下 hea 下都 8 點半走喎 呢下勁呢 ~
去到 Mega Box 咁當然行下 Ikea 一齊睇廚房呀 超勁開心 睇完再去 H & M 都差唔多 9 點 45 分喇 係時候要坐 shuttle bus 番德福喇 因為我地要去 Häagen Dazs 食雪糕 之前家姐比咗 3 張 coupon 我 4 月尾到期喇 難得又 3 個人一齊 最好啦 食完家姐去我屋企拎番個袋就走人喇 ~
沒有留言:
發佈留言