蜜汁焗金沙骨 + 馬拉盞炒甜豆 + 徑步 ( 9-apr-2012 )

( 9-apr-2012 mon )

最鍾意星期一係假期   因為星期一比我感覺係特別攰嘛   同埋好似一個星期番 4 日咁樣 ( 雖然唔係 )   感覺真係唔錯架 ~

又係大家樂呀   因為好難得無乜人   同埋有牛扒囉   之前去過幾次都無哂牛扒   所以襯依家要食盡去呢 ~

食完當然番屋企 hea 啦   今日無家務做喇   睇下電視   雜誌又到 tea 喇 ~

本來想飲茶   不過里奧大人又唔想  講下講下好鬼餓啦   所以即去大快活呀   因為無咩人呀又   買埋燒賣去食   勁正呀   因為真係好鬼餓   食完真係精神哂呀 ~

行陣商場就番屋企喇   眨下眼啫   4 日假期就完 lu   里奧大人無啦啦話心情唔好   想去跑步   我問佢做咩心情唔好呀   係咪放完假要番工呀   佢居然話係   呢份工真係令佢好辛苦咁   所以我都盡量比時間佢休息 ~

佢話想食 COCO 咖哩屋   我話唔好啦   我想你食住家飯   之後再問佢係咪真係好想食 COCO 咖哩   如果係我唔煮啦   佢話想陪我出去行下咁啫   咁我話唔駛啦   喺屋企舒舒服服食   食完再去跑步仲好 ~

是日懶餐 - 蜜汁焗金沙骨 + 馬拉盞炒甜豆

蜜汁焗金沙骨 - 好似第 1 次咁焗   不過係跟食譜   仲要只係 copy 咗醬料   做法都無 copy   但我就跟 d 唔跟 d 咁   因為懶呀   只係用咗海鮮醬 + 甜醬 + 老抽   醃咗一晚   估唔到又幾好味喎   最開心係 d 肉好林呀   因為我次次整豬肉都好鞋家嘛   下次再整先 ~ 

馬拉盞炒甜豆 - 本來想甜豆炒蝦仁   但驚食唔哂   所以就咁炒甜豆算喇   不過好多渣   下次唔買喇 ~

食完抖陣就出去徑步啦   都有 20 分鐘架   做下運動真係唔錯嘅   希望 keep 住做啦 ~