西洋菜餃拚鮮蝦雲吞 ($36/打)
炸魚皮 ($25/大)
雞仔餅大王買嘅芝麻糕 & 杞子桂花糕 我同里奧大人覺得無味道 家姐都覺得麻麻哋
( 19-DEC-2020 SAT )
今朝里奧大人出咗門口 我都瞓得唔好 9 點左右都起身 lu ~
梳洗之後就抖下 差唔多 10 點就買早餐 之後家姐嚟接我去佢屋企 ~
家姐同街坊有嘢整 我自己入屋先 Berry 居然縮埋喺餐枱底下 平時最多都係縮喺梳化底㗎咋 兩個星期無見啫 唔係咁驚我呀嘛 不過我發覺佢次次開門唔係家姐 佢一定好驚 但好奇怪佢又成日蝦家姐㗎喎 ~
咁等埋家姐番嚟先食早餐 所以我同 Berry 影相 我影完放低手機 佢即刻走開 好似真係坐定定比我影咁 ~
好乖咁呢 係咁比我摸 (鏡頭背後係叫咗佢幾十次先過嚟呀)
但之後真係好乖咁喎 完全無逃走
仲頭擰擰比我影
點解個樣咁男仔㗎 其實狗仔樣好似無分男女 哈哈
我影埋呢張 佢即彈開
家姐一番嚟 我話好餓要食早餐喇 再望鐘原來已經 10 點 40 分 ~
我咖啡奶茶一定要少奶 但家姐鍾意茶走啡走 所以今朝我要啡走 但我就分開杯 佢飲嘅時候先搞勻煉奶
我唔係特登影到佢衰眼咁㗎 我真係一拎手機影 佢就即刻咁樣望囉 條氣唔順
又係煩嘅 我拎住條牛骨係咁引佢 家姐又係咁叫佢 Hand Hand 哈哈哈哈
家姐要佢 Hand 左手 Hand 右手 個樣不耐煩到呢 心諗 Hand 夠未呀 ?!
好似祈禱
佢食緊嘅時候 我拎開都唔會咬我 但朱朱係即咬㗎 所以呢樣佢就好乖喇 哈哈
我同家姐講話係佢嘅聖誕禮物 佢以為我拎錯薯片比佢 因為佢話只要 2 包 我話妳鍾意食嘅就會 2 變為 4 的
原來家姐又買咗咁多嘢比我呀 好記得佢本身買咗 2 支乳酪 估唔到變咗 4 支 諗法同我一樣嘅 哈哈 之前燴燴幫家姐買海味 家姐問我有咩海味想買 ?! 之後大家一齊大笑 我哋話海味只識海參同花膠 其他真係唔識喎 因為堅少買海味 家姐再諗下就係話冬菇江瑤柱蝦米呢啲囉 佢買 1 斤 但比半斤比我 日本冬菇 ($680/斤) & 江瑤柱 ($480/斤) 又話張榮記蝦子麵 ($7/個) 好味 又比 10 個比我 雪梨乾就 $40/包 叫佢買 1 包又買咗 2 包
衰女真係好揀飲擇食 之前佢好鍾意食呢款牛骨 依家唔多想食咁 好在最後又食咋
咁樣食好味啲 ?!
食到咁上下就瞓喺度食
開始眼瞓 因為慢動作轉身
中緊眼瞓
係都唔望我嘅 嗚嗚
我一企身 佢就縮埋一嚿咁瞓
Berry 姐成日心心急急走來走去 個鼻仔又撞向牆 之後我同家姐講話我上次暈低姿勢好搞笑 家姐話依家無事咪笑得出囉 里奧大人又係咁講 ~
姐夫同朋友出去食飯 家姐話一陣都要去新都城幫糟糟拎 6 條廁紙 咁我話一齊去啦 ~
本身里奧大人 1 點放工 但 12 點打來話要 2 點放工 咁無所謂 我哋唔駛咁趕 嘻嘻 ~
差唔多 1 點出車 周圍行陣再去三才買水餃雲吞 家姐話我出親街就唔願走咁 我話睇行邊度啦 哈哈 ~
買完都已經 2 點 係時候番屋企喇 無耐里奧大人打嚟話要再遲啲走 咁我唔買下午茶番屋企喇 唔想又要翻熱呢 ~
番到屋企見有時間 所以就大清潔廁所 原來里奧大人打咗 3 次電話比我 再打咗 1 次番屋企 咁我沖完涼出嚟嘅時候 啱啱聽到佢電話 佢話嚇死佢呀 以為我又暈咗 仲話如果再唔聽電話 佢諗住飛的番來 ~
佢話無諗過我呢個時間沖涼 我話去完家姐屋企又出咗街 所以沖涼囉 ~
好耐之前佢都試過打比我 但打咗起碼 10 次都無聽到 佢仲叫埋家姐打比我 不過我都聽唔到 因為我喺廚房煮嘢 又唔記得開番手機響鬧 之後一睇有 2x 個未接來電 佢哋以為我暈咗呀 ~
呢兩年都不斷飲北芪當參 血氣係好咗 但都係間唔中會暈囉 唉 ~
今日差唔多 4 點先食嘢 今晚肯定要夜啲先食飯呀 ~
我唔想食包同炸嘢 所以食福利炒飯 好似男人咁 哈哈
里奧大人瞓咗個幾鐘 我就睇 Youtube 我食飽真係唔可以瞓 因為個胃會頂住咁呢 ~
今晚 8 點先開餐 算遲喇 哈哈 ~
是日懶餐 - 西洋菜餃拉拚鮮蝦雲吞 (外賣) + 炸魚片頭拚炸魚皮 (外賣)
西洋菜餃拉拚鮮蝦雲吞 (外賣) - 好新鮮同埋味道都 OK 餡唔多但算係真材實料 ~
炸魚片頭拚炸魚皮 (外賣) - 魚片頭勁好味 好感恩買到炸魚皮 因為家姐以前要撞啱時間先買到炸魚皮 因為新鮮即炸 好多時好快賣哂㗎 ~
洗埋碗都已經 9 點幾 沖埋涼都休息喇 ~
今日過得好充實 所以有啲攰 11 點都要瞓 lu ~
沒有留言:
發佈留言