鹹水角+春卷+芋角+腐皮卷+蘿蔔糕+馬拉糕
港記買嘅芝麻糊好味道呀 里奧大人就鍾意食紅豆大菜糕 所以買咗 2 盒
( 13-DEC-2020 SUN )
尋到半夜醒咗 擔心聽朝無的士 又擔心塞車 ~
今朝 8 點 15 分要起身 但感覺得好似啱啱先瞓着咁 ~
沖埋涼就等食 最搞笑里奧大人就話慢慢食 但我叫佢快啲食呀 寧願食完早啲預備 ~
咁里奧大人沖涼嘅時候 家姐打嚟話佢想坐的士來 順便接埋我地仲方便 真係好在早咗預備定咋 ~
9 點 45 分都到大酒店 今日上山嘅親戚唔多 加埋我哋只係 7 個 ~
11 點幾出發去和合石 儀式完畢就送回大圍火車站解散 ~
家姐番屋企同姐夫食 Lunch 我哋送家姐搭巴士 真係好在送佢到巴士站咋 佢成日話新強記對面坐巴士 我哋話得小巴去寶福中咋喎 都無巴士 但佢點都話係新強記對面 ~
之後里奧大人話係另一邊呀嘛 所以都係陪埋佢搭車先走 ~
咁頭先我問家姐名城喺邊 ?! 佢斜啤住我話尋晚見到 我話經過地鐵站都唔見嘅 原來佢落車之後行錯方向 怪不得會見到啦 真係笑死我 哈哈哈哈 ~
尋晚里奧大人自己約家姐嘛 佢問家姐喺邊 ?! 家姐答佢喺條天橋中間 好在我無食飯 唔係肯定噴飯都似 咁即係邊先得㗎 ?! 同埋好似有兩條橋 咁個天又黑哂 仲要咁形容 真係點搵妳好呀家姐 ~
我哋周圍行下睇有咩食店 但好多都係粉麵店 我話唔想食呀 ~
最後經過魚米 有哂格板同埋有卡位 感覺安全所以即入去食喇 ~
胡椒味菜豬肚配白飯 ($51) - 我覺得無胡椒味 咁我自己再落胡椒粉 里奧大人話我落咗呀 人哋寫住淮鹽 我即望囉 都無寫 同埋另 1 樽係鹽 所以好肯定係胡椒粉囉 衰人
鹵肉碎配雞扒飯 ($51) - 味道都 OK
頭先見到有荃灣小巴 里奧大人話想行下買下嘢 咁我話食完 Lunch 睇下攰唔攰先 ~
咁食完都精神 所以去荃灣行陣喇 ~
去到小巴站 見到得 3 個人喺車 我同里奧大人講話我個胃有啲頂住 希望唔好咁快開車 佢話點會咁快開車吖 得幾個人 點知佢上完車就即刻開車呀 佢自己都忍唔住大笑出來 ~
我話頭先食完湯飯再飲杯鹹桔蜜 平時我唔會飲哂杯飲品 但好口渴先飲哂 點知出事 ~
好在坐車都 OK 唔係就慘喇 ~
坐咗 10 分鐘就到千色店附近 估唔到咁快 ~
喺千色店買咗 1 包薯片 之後有個男人連掃 6 包 我同里奧大人講話不如買 2 包 佢話唔好 比完錢就同我講話買 6 包嗰個人係傻傻哋咁 我話其實係咪串我買得多嘅就係傻呀 ?! 佢話個男人比完錢之後 隻手係咁 Fing 㗎 仲話其實係我拎完 1 包 佢先拎 6 包呀 不過我頭先見佢眼神真係有啲怪嘅 原來真係有些少問題 ~
行完就穿去另 1 個商場 之後去藥房買 Cream 我買咗 2 盒 但我其實想買多啲 因為我晚晚都搽 之後問里奧大人點好 ?! 佢話晚晚搽就梗係買多啲啦 下次特登入嚟買 車費都喺番到 所以買多 2 盒啦 ~
之後大家都開始攰 見到間翠蓮素食 我話買齋做晚餐 今晚唔駛煮 里奧大人話蘿蔔糕要整熱喎 我話放入焗爐就搞掂啦 ~
因為佢覺得我話唔駛煮嘅定義係只係放喺碟就可以食 即係唔駛開鑊開爐 因為佢知我攰先會話唔煮呢 ~
買完就搭小巴番屋企喇 里奧大人真係上車無耐就瞓 我都中下中下 ~
里奧大人話買雞蛋仔同大菜糕 咁都好呀 都想食啲甜嘢 ~
朱古力雞蛋仔 我焗熱再食 仲正呀
經過價真棧 見到雜錦朱古力特價 $22/包 里奧大人成日話無佢份嘛 咁即買一包比佢 其餘就係我同家姐嘅
里奧大人鍾意食 BROOKSIDE 朱古力 ($25/包) 又終於買到 我之前成日去 360 都無㗎
喺正隆行買嘅辣汁豬肉乾 & 沙爹豬肉乾 (合共 $61.6)
千色店買嘅安格斯牛肉味薯片 ($18)
藥房買嘅 Cream ($20/盒)
茶包袋 ($12) 就買比家姐 又係搵咗好耐都缺貨 所以見到即買 咁我之前都比咗 1 包比佢 所以佢話買 1 包就夠 蒸籠布同焗盤都係 $12
沖埋涼就睇電視 今晚 7 點幾開餐 呢間嘅點心都好味呀 ~
洗埋碗就休息 抖多陣先食芝麻糊 ~
我今晚 10 點半都瞓先喇 好攰呀 哈哈 ~
沒有留言:
發佈留言