泡菜豆腐豚肉鍋 ( 30-SEP-2025 )

( 30-SEP-2025  TUE )

感恩一覺瞓天光呀   仲要係熟睡無發夢嗰隻   今朝其實 7 點 05 分都醒咗   不過懶床到 7 點 20 分先起身整早餐呢 ~

早餐仍然食煙肉芝士迷你酥   我覺得好味道㗎 ~

菇場唔忙   之後聽到溫總又比船頭鬧   因為溫總成日比工廠食住   單位呢啲點會下下自己改㗎   阿爽又唔幫佢話工廠啲人   搞到人哋要做多咗好多嘢   諗起嗰時又係咁   工廠啲價錢錯到離哂譜   成年都係咁   我叫阿爽講   佢又係無講   終於我忍唔住出 Email 仲要用紅色字體叫佢睇清楚先出個單價   我要幫妳對完再改先可以做我份 Report   咁我根本就係做兩個人嘅嘢   咁不如我直接自己做哂   唔駛等嚟等去又改嚟改去先做囉 ~

咁船頭話阿爽講過溫總唔駛幫   溫總話無講過喎   事實如果溫總做唔切   阿爽一定要幫啦   唔係點做人阿頭呀 ~

船頭話叫阿爽幫手做啦   唔駛做呀   呢句講得好呀   我成日都同溫總講   點解阿爽咩都唔做   但就做其他佢唔應該做嘅擦鞋嘢 ~

船頭之後同我講話阿爽不嬲係咁   呢下好愕然   之後仲講咗好多嘢我知   咁我真係覺得好在自己一個人做嘢   唔係拍佢就死得了 ~

Lunch Time 蒸完飯就同船頭阿花一齊行一田   行完就陪阿船頭去買三餸飯   我哋成日話佢好似男人咁   哈哈 ~

洗埋碗就問阿齋噂嘢   之後又下傾保險又傾下中醫   傾咗成個鐘呀   真開心   因為西瓜唔喺度先可以咁咋 ~

唔忙就做其他嘢   所以好快就放工喇 ~

放工即走   有個細路女話見到 DAISY   佢媽咪周圍望   之後話係 DAISO   差一個英文字真係差好遠呀   哈哈 ~

番丁屋企即預備晚餐   里奧大人差唔多 6 點 50 分先番到屋企   不過無咩所謂   因為聽日放假   夜啲食都無問題 ~

里奧大人公司請食秋月冰糖梨

是日晚餐 - 泡菜豆腐豚肉鍋

泡菜豆腐豚肉鍋 - 里奧大人鍾意食   咁就整啦   反正好簡單 ~

里奧大人話今日好忙   之後仲因為姑奶們啲問題   佢無啦啦發顛鬧我呀   仲拍筷子話唔食就入房   我忍住到氣叫佢食啦   不過之後我都頂唔順   我都無食就出咗去   因為我要爆喊呀 ~

我唔打比家姐   我唔想佢唔開心   所以即打比姑奶   我問佢喺邊 ?!   佢以為我望到佢   之後我忍唔住喊   佢話咩事呀 ?!   我可以過嚟㗎我可以過嚟㗎   咩事呀 ?!   我可以過嚟㗎   我話妳細佬鬧我呀   關我咩事呀   之後傾咗 10 分鐘   條氣就順好多   佢叫我唔好嬲   記得無聲抗議呀   呢句我忍唔住笑出來 ~

真係好日唔喊   點知行行下見到姊妹 L   好在我已經行咗半個鐘   應該唔係喊個樣啦   同埋佢同我有講有笑   斷估見到我喊樣嘅話   唔會仲傾呀嘛 ~

番到屋企見到無咗碗飯同埋個湯少咗   即係里奧大人都有食   不過其實佢唔食就算   我都無心情好聲好氣叫佢食囉 ~

開埋機洗衫就諗住沖涼   點知阿妹 Send 咗里奧大人張相比我睇   我整個公仔啦   之後佢講里奧大人今日點點點   我話佢鬧到我喊呀   佢話真定假 ?!   我話呃妳做咩喎 ~

咁繼續傾咗半個鐘   之後佢問我喺邊 ?!   想過嚟陪我   不過我話已經喺屋企了 ~

確實真係極度唔開心   但見到姑奶同阿妹咁緊張我   個人當堂覺得窩心好感動   無再咁激氣呀 ~

沖埋涼真係心情好好多   咁又睇 Youtube 啦   睇到 11 點半先瞓 ~

天丼 @ 大埔 ( 29-SEP-2025 )

華味鳥盛合 (華味鳥雞肉 / 華味鳥雞寶 / 黑虎蝦 / 南瓜 / 紫菜 / 蓮藕 / 四季豆) ($109) - 新鮮炸起實好食嘅   同埋唔係食到成口油   我揀冷蕎麥麵   因為自己好少整呢

招牌仙草芋圓 (跟餐價 $29) - 芋園都煙韌

( 29-SEP-2025  MON )

感恩一覺瞓天光呀   鬧鐘響嘅時候仲諗緊今日係咪星期日   好奇怪會咁諗囉~

早餐食煙肉芝士迷你酥   尋日叫家姐幫我買㗎   我話要大個先買呀   哈哈 ~

依家先知有片煙肉喺中間   我成日以為係煙肉粒添

菇場忙咗 1 個鐘左右又做自己嘢   呢兩星期 3D   要好好珍惜呀 ~

船頭比我嘅日本手信

Lunch Time 蒸完飯就出去行陣   行咗半個鐘就番菇場開餐 lu ~

里奧大人入大埔同 Y 姑賓姑傾嘢   所以我今晚都唔煮飯喇 ~

放工同阿花一齊行去鑽石山地鐵站搭巴士入大埔   都預咗無位坐   好在我唔攰呢 ~

行坐咗一陣再去仁御堂買咗包泰國龍眼肉   之後就去餐廳 Join 里奧大人佢哋   咁再傾咗陣就走喇   因為都已經 7 點   我哋要去食嘢喇 ~

里奧大人話頭先食咗煙三文魚包   所以食少少嘢就可以   咁我揀我想食嘅嘢 lu ~

食完再去周圍睇下嘢   店舖職員講收工未呀 ?!   我望見舖只頭得我一個人   我擰轉頭問佢係咪問我收工未 ?!   因為之前係兩個職員嘛   以為佢問同事收工未囉   之後佢話係問我呀   我話收咗工好耐 lu ~

我同里奧大人講話個職員好搞笑問我收工未 ?!   佢話係咪認錯妳呀 ?!   我話全舖頭得我一個人咋   佢話好少聽人咁樣問啲客   哈哈   不過我個樣又超普通   成日都比人認錯囉   嗰時戴咗口罩更易比人認錯添呀   仲要係講一大輛嘢先知係搵錯人   哈哈 ~

搭車番屋企   因為等一班車要 25 分鐘   所以真係睇住嚟行   我話想睇衫呀   里奧大人話照睇啦   最多遲一班車走   總之照睇   過咗時間就再等多班車都得㗎   今次真係幾感動㗎   平時會話屋企好多衫唔好買咁多   一係就好似好心急趕住走咁呢 ~

不過我都唔想里奧大人咁攰   所以行咗陣都搭車番屋企 lu ~

沖埋涼再睇陣 Youtube 都已經 11 點   我都要瞓覺喇 ~

雜錦壽司盛。綾 + 中華沙律 (外賣) ( 28-SEP-2025 )

( 28-SEP-2025  SUN )

今朝同里奧大人一齊食早餐   食完之後我就去家姐屋企喇 ~

星期日坐車好少睇電話   比對眼休息下   同埋我鍾意周圍望   睇下有咩餐廳都好嘛   哈哈 ~

又嚟落車先落雨

一入屋當然比 Berry 撲到顛咗   有時想洗手都唔得   因為唔摸佢   佢係咁嗚嗚聲又尖叫呀 ~

等佢冷靜之後就好似唔識我咁   幾咁有性格   哈哈 ~

好眼瞓嘅眼睛

指定動作唔望我

呢個側側哋條頸嘅動作   好似同我講   妳咪埋嚟呀   哈哈

老咗肥咗都係咁大對眼睛   我係咁就好喇   哈哈

咁樣就當堂後生哂   哈哈

望下左

又望下右   但就唔會望中間   哈哈

9 點咋噃   咁快就眼瞓 ?!

家姐話好似細個嘅樣   我話邊似呀   個鼻咁長

開始想瞓覺

無奈嘅眼神

家姐同姐夫入屋   Berry 又係無吠佢哋呀   家姐就即刻問有無吠我 ?!   我話有啦   仲嗚嗚聲好似廿年無見咁激動咁呀   我話下次錄比妳睇 ~

因為家姐就嚟生日   所以我都比定生日利是比佢   我唔想遲比佢呀 ~

家姐成日未講先笑   搞到我同工人 工人朋友都一齊笑   工人朋友同家姐講話笑完先講   我真係覺得佢哋廣東話好叻   哈哈 ~

Berry 又周身抓   但我話佢頭先完全無抓到喎   家姐話工人又係話家姐喺度先抓   係咪真係咁古靈精怪呀   係都要家姐擔心咁 ~

同家姐傾偈嘅時候   咁 Berry 黐住我瞓覺   所以叫仍講嘢唔好咁大聲   同埋無咩必要唔好去廁所   哈哈哈哈 ~

家姐會同糟糟講好多嘢   有一日佢同糟糟講話想同妳講啲嘢   但都係驚妳嬲所以遲啲講   糟糟碌大對眼話要即刻講呀   我話妳唔講遲啲先講呢句都好啲   妳咁樣講搞到仲更加想快啲知呀   哈哈 ~

家姐仍然鍾意八哥   所以糟糟送呢個電話套比家姐   好似要 $600 定 $700 㗎   我話真係唔知原來電話套要咁貴喎   哈哈

10 點進入熟睡狀態

Berry 發夢呀   所以要摸一摸去

咁睇個鼻哥窿好似好細   但我伸隻手指喺佢鼻哥窿前面   吹氣嗰下都幾大風咁㗎   哈哈

之後仍然發夢   個頭係咁郁   個咀又好似食緊嘢咁   我第一次見到佢咁樣咋

我托住佢個頭

之後又全程挨住我隻腳度瞓覺   咁多肉地一定舒服啦   因為佢瞓咗成個鐘呀

對眼好搞笑呀

差唔多 11 點 10 分   家姐諗住換衫出門口   點知 Berry 挨個頭仔落我膊頭度呀   所以同家姐講話遲少少先走呀   哈哈 ~

Berry 係咁黐實我呀   仲將個頭仔挨落我膊頭   真係第一次咁咋   搞到我唔敢起身

叫家姐幫我影呀   因為 Berry 真係從來無咁樣黐住我㗎

同家姐一齊搭地鐵   咁傾開 Pantry 洗嘢   家姐公司有個男同事洗碗洗成 10 分鐘   洗唔係問題   但係全部人排緊隊就洗快啲啦 ~

家姐話有個同事仲離譜   家姐讓佢洗杯啦   點知佢倒啲水落家姐隻杯度   家姐要再洗   我話妳做咩唔拎起隻杯 ?!   佢話已經擺開咗   我話下次直頭拎起好過 ~

因為家姐落車先   咁佢要行前搭扶手電梯嘛   到列車開出   佢企定定同我揮手   好在我都係一路望實佢   佢話估唔到我咁遠都望   我話呢啲喺我哋由細到大嘅習慣   我唔會改呢   哈哈 ~

見有時間就去 AEON 超市   之後買午餐去里奧大人公司喇   不過我要番屋企放低嘢先呢 ~

托家姐工人朋友喺印尼買   咁啱做特價   好似 HK$3X/支   因為佢係買優惠裝定咩   家姐叫佢總知平就買就得㗎喇   哈哈

家姐同阿莊食 Tea   所以叫阿莊買齋燒鵝   因為我哋未食   但糟糟話買錯咗齋雞粒呀

里奧大人要開會   咁我食完都走喇 ~

辣子雞拚生炒骨飯 + 蘿蔔牛腩拚黑椒牛扒飯

我陪阿妹去搭車   佢話送我番屋企   大餅聽到好愕然   心諗做咩要送我番屋企   哈哈 ~

之後佢話多謝我聽佢呻   我話其實我都有咁嘅情況   所以會好了解佢心情囉 ~

番到屋企即熨 2 機衫   搞掂就出發去 AEON 喇   雖然 4 點幾又無咩太陽   但都覺得好熱咁呀 ~

拎完壽司再兜一個圈   之後買埋粟米湯同杯麵就走 lu ~

本來唔拎購物車   但拎住盤壽司同圍睇嘢好唔方便   哈哈

成個人都係汗   呢個時候就最驚見到識嘅人㗎   真係見到都要辦見唔到呀   哈哈 ~

一入屋即刻開大冷氣   之後即刻沖涼喇 ~

里奧大人 7 點 10 分先番到屋企   佢話想食完先沖涼   我話今晚食壽司之嘛   梗係沖埋涼   舒舒服服咁食啦   佢話驚我要等   我話我都預咗你沖埋涼先食㗎 ~

好多時佢都會話驚我呢樣嗰樣   搞到我好似好惡咁   不過我都覺得有時係自己衰嘅   懶係好咁但又比說話佢聽   其實真係衰過直接鬧佢呀   哈哈 ~

同里奧大人一齊睇埋下半 Part "封神第二部 戰火西岐"   成日以為做完點知原來未做完   估唔到係咁呢 ~

紅豆砵仔糕 ($18/5 個)   真係好抵食   最緊要係好味道呀

估唔到今晚無得睇 "臥底旅行團 5.0" 呀   咁唯有睇 Youtube 啦   都睇到 10 點 45 分瞓先呀 ~

天下茶屋 @ 紅磡 ( 27-SEP-2025 )

新特盛拚盤 ($78) - 有味付螺肉 / 吉列炸蠔 / 吉列池魚拚吉列炸蝦 / 咖哩飯 (小)   我鍾意樣樣有啲   食起上嚟無咁悶   因為自己平時唔會整咁多花款嘛   哈哈

一口照燒雞拉麵 (鰹魚昆布湯) ($54) - 麵條都幾煙韌   所以里奧大人話我一定鍾意食

無糖綠茶 (+$2)

( 27-SEP-2025  SAT )

尋晚瞓到半夜醒醒哋咁呀   好難先瞓得番   所以今朝起身有啲難度   感恩沖涼洗頭之後就精神哂喇 ~

今朝同里奧大人出去食早餐   之後去佢公司坐陣先番工 ~

差唔多去到搭 Lift 位置   我挨近阿花   嚇到佢以為邊個   因為話我高咗   我着波鞋起碼高 1.5 吋   哈哈 ~

我覺得 Fuggler 系列啲公仔好得意呀

菇場忙咗陣就做自己嘢   不過今朝好少人番   所以又凍又靜 ~

船頭請我食杜拜朱古力   實在太開心   因為想試好耐呀   哈哈

放工即走   今日好想食魚蛋呀   可能菇場實在太凍   要食熱嘢   哈哈 ~

炸魚角河粉 ($37) - 好味喎   我會再嚟食

鮮蝦雲吞粗麵 ($37)

食完就番屋企   里奧大人話做一陣公司嘢先沖涼瞓覺   咁我話去搵阿妹傾偈   估唔到佢咁啱要我幫手 ~

幫完手抖陣就去 LA 活動幫手   差唔多 4 點 25 分完畢   里奧大人啱啱起身   咁我都番屋企坐下先 ~

因為今晚去壽司郎   里奧大人話出發喇   真係仲緊張過我   哈哈 ~

5 點 07 分到壽司郎都要等 16 張枱   所以一定唔等啦   里奧大人成日話要 5 點前嚟   依家真係要信佢喇   哈哈 ~

咁我話睇下有咩食   突然諗起有間食過唔錯   但只識去唔記得食店叫咩名   之後講番食過啲咩   里奧大人都記得喇   因為如果佢覺得唔好食   我就唔會去嘛 ~

食完去 AEON 行下   今日超市有 9 折   所以我想買啤酒呀 ~

我覺得 $9.9/罐都算抵嘅   同埋有 9 折嘛   雖然上次仲抵   哈哈   不過我都買咗 10 罐   里奧大人話買凍櫃嘅啤酒都好呀   我話唔係凍就更好   因為雪櫃細呀   唔想就咁擺哂啤酒囉

買 2 罐比里奧大人試下

買完都番屋企喇   里奧大人就去剪髮   咁我都番屋企先 lu ~

開埋機洗衫就即沖涼   咁再等埋里奧大人沖涼就睇 "封神第二部 戰火西岐" ~

前晚食剩嘅蕃薯糖水   今晚一定要食埋去喇

我覺得套戲好睇呀   不過睇到 10 點 50 都瞓喇   今日滕嚟滕去有啲攰呢 ~