燒汁燜薯仔雞下肶 ( 1-SEP-2025 )

第 2 碟   但仲剩 1 碟食唔哂   又留番聽晚食 lu

( 1-SEP-2025  MON )

尋晚啲骨痛又覺得好凍   但個身係好熱咁   之後里奧大人瞓覺掂到我隻手仲即刻避開   好似比熱嘢 "辣" 親咁   佢話我個人好慶呀   我叫佢摸我額頭有無發燒 ?!   佢話無   咁我唔食藥 lu ~

感恩一覺瞓天光   郁多兩郁就鬧鐘響了 ~

早餐食壽包   估唔到好味喎 ~

食完去里奧大人公司坐下   今日唔係咁想咁早番工 ~

等車見到有架巴士未埋站就落客   因為前面架車頂住咗   但其實都係距離唔夠一個巴士站位置   但有個女人企喺個站無郁   之後架巴士駛開就係咁揚手   真係好奇怪囉   行前 10 步咪上得車囉   點解係都要等埋站呢 ?!   佢對腳又唔係有問題   你話拎住拐扙就話啫   不過司機其實又可以揚手叫佢上車   因為呢啲真係好彈性處理嘛   又唔係同個站隔兩個巴士位置 ~

菇場忙呀   忙到 11 點幾   實在太好喇 ~

話咁快就到 9 月

Lunch Time 蒸完飯就出去一田買嘢   見到個人好似阿渠   再望真啲原來係佢   其實我無諗住叫佢   點知佢見到我   咁傾咗陣都走喇   因為真係同佢無咩嘢好傾   雖然佢走咗咁耐   但真係唔會好想知佢嘅嘢   哈哈 ~

八道龍蝦拉麵 4 包裝 (特價 $20) / 澳洲急凍免治牛肉 500g ($59.9)

加爾班尼馬蘇里拉原味芝士碎 ($58 買一送一)

CHEETOS  燒烤味粟米條 ($22.5/3 件) - 買比船頭 阿花同阿齋嘅

買完即番菇場開餐   時間啱啱好 ~

里奧大人試咗啲提子乾   佢話幾好味   但好甜呀

唔忙就做自己嘢   好快又到 4 點半   坐多陣就放工 lu ~

放工即走   今晚只係蒸熱啲餸   所以對我嚟講等如唔駛整煮餸咁   哈哈 ~

是日晚餐 - 燒汁燜薯仔雞下肶

燒汁燜薯仔雞下肶 - 尋日燜㗎   今晚都係加咗啲韓國辣椒醬   我覺得味道真係好味好多咁呢 ~

食埋個壽包就洗埋碗   抖陣就同里奧大人去做機   不過得 1 部機   所以里奧大人叫我做呀   佢就番屋企做其他嘢   我做半個鐘都夠喇 ~

洗埋衫就沖涼   抖陣就食生果 ~

韓國梨都幾甜幾多汁   所以每人食半個都夠

依家唔駛追劇   好似多咗時間用咁   哈哈 ~

睇 Youtube 又打機   其實時候係好快過   所以今晚 10 點 45 分先瞓覺 ~