秘制燒鴨 (外賣) ( 7-SEP-2025 )

( 7-SEP-2025  SUN )

今朝同里奧大人一齊食早餐   食完就要去佢公司幫手 ~

搞掂就要出發去自己教會事奉   又係落好大雨   感恩落車無咁大雨咋   今朝食完早餐係好猛太陽   半個鐘頭後就天都黑哂仲落雨   之後又停下又落下咁   應該成日都係咁㗎喇 ~

完成哂所有事奉都已經 1 點 50 分   拿拿聲買埋午餐就去里奧大人公司   感恩好快有車呀 ~

我同里奧大人 Share 食叉燒燒肉飯   其實我只想食兩啖飯   因為我主要係想食生炒骨

阿妹食嘅燒鴨飯   佢話個飯盒仲係暖嘅   所以好好食   哈哈

去到無哂生炒骨   咁即刻問係咪仲有無哂啦 ?!   佢哋話依家炒緊   咁我即要一盒喇   呢期超級鍾意食生炒骨呀

食完就同阿妹 大餅傾偈   大餅話佢細仔細過見到有鬼啲嘢   我哋話細個好容易見   同埋唔會驚   因為都唔知咩嘢叫做鬼   但大個見到就驚啦   同埋佢哋話係唔好嘅   越講越恐怖   又話 7 月唔好講住   哈哈 ~

Melody 番到嚟   好愕然咁話做咩咁多人嘅 ?!   我見佢拎住冰袋   我話係咪買咗嘢食呀 ?!   佢仲更加尷尬話妳點知㗎 ?!   我話我同阿妹食完個飯好飽食唔落㗎喇   之後我係咁拍佢膊頭叫佢快啲開嚟睇下咩嚟啦   哈哈 ~

好精緻嘅漢堡包   只係一粒燒賣嘅 Size

傾到 4 點有大 Project 要搞   要同佢哋分工合作   感恩順行完成   6 點 15 分可以放工 ~

我叫里奧大人番屋企沖涼先   我就去買麵包 ~

番到屋企即預備晚餐   其實只係焗熱啲餸同煮飯啫 ~

是日晚餐 - 秘制燒鴨 (外賣)

秘制燒鴨 (外賣) - 今次買半隻就夠喇   其實今餐只食咗 2 隻肶   因為要食埋頭先食剩嘅生炒骨呀 ~

洗埋碗就開機洗衫   之後沖涼休息喇 ~

同里奧大人一路食沙律一路睇 "臥底旅行團 5.0"   佢見到啲豆角一條好長   佢話豆角唔係一粒粒嘅咩 ?!   我話係我切到一粒粒咋   之後話唔鍾意食豆角   我話我知啦   你見有幾何食到豆角嘅餸喎 ~

仲有一盒   要留番聽晚食 lu

睇完再睇陣 Youtube   今日大家都好攰   所以 10 點 40 分都瞓覺喇 ~