菠蘿雞粒炒飯 + 炸魚皮 (外賣) ( 22-SEP-2025 )

尋晚食剩嘅貴妃雞同燒鴨   因為要留幾嚿雞比里奧大人帶飯   所以就唔駛蒸熱呢

( 22-SEP-2025  MON )

里奧大人今朝 5 點起身去送機   等佢出咗門口   我就即刻瞓到喇 ~

早餐食甜餐包搽花生醬   轉咗另一間麵包店買甜餐包   估唔到仲好食呀 ~

行到菇場附近   離遠見到好似教友 P   之後再行前啲真係佢嚟嘅   傾咗幾分鐘都走 lu   佢趕住番學呀 ~

菇場忙咗 1 個鐘就可以 Hea   難得今日 3D ~

Lunch Time 行陣再去食水餃上海麵   之後買炸魚皮同薑   最後去錢大媽買蔥   真係得番啲蔥咋   職員話賣哂就放工 lu ~

經過其他菜檔   全部寫哂新嘅價錢   我見到菜心要 $25/斤   我一定唔會買囉   CC 話一田都好多人呀 ~

最後去 iEAT 買蕃薯同去藥房買紙巾就番菇場喇   突然覺得出去食真係好多時間買嘢咁   哈哈 ~

阿爽話一田 18 包要 $4X   我話咪貴囉   之後話兩 Pack 18 包喎   我話兩 Pack 18 包同我 1 Pack 36 包有咩分別呀阿姐 ?!   之後佢傻更更咁話係喎   笑鬼死 ~

我特登番轉頭買比家姐   我覺得佢都鍾意啲得意包裝嘅紙巾呢

唔忙就繼續做自己嘢啦   家姐話聽日唔駛番公司   我話我哋老規矩   咩都最後嗰刻先知   哈哈 ~

放工即走   里奧大人今晚要開會   所以佢幫手蒸熱啲嘢   我教佢用咩碟裝住嚟蒸就搞掂 ~

是日晚餐 - 菠蘿雞粒炒飯 + 炸魚皮 (外賣)

菠蘿雞粒炒飯 - 其實仲剩咗一大碗可以比里奧大人帶飯   所以尋晚間酒樓啲份量真係好巨呢 ~

炸魚皮 (外賣) - 難得經過麵店就買啦   最鍾意佢哋用 Zipper 袋   食唔哂都唔駛驚會腍 ~

洗埋碗就煮個撈麵   咁聽日我可以帶飯 ~

里奧大人 7 點出發番公司開會   我都沖涼休息 lu   今日個胃有啲痛   所以唔做機喇 ~

8 點 45 分開完會   我覺得算快喇   所以叫佢食埋個桃先沖涼   因為我好想快啲食完刷牙呀 ~

睇下 Youtube   差唔多 11 點先瞓覺 ~