孤獨炒飯 + 粟米湯 + 薑蔥蓉

   

尋晚炒飯...但唔知點解好想好想食燒肉...我不嬲唔好...淨係鍾意食乳豬...點解會咁嘅呢...
所以叫里奧大人番屋企時買燒肉做餸...去到太興居然無燒肉...再去大家樂...又係無呀...做咩嘢呀...想食燒肉啫...唔係咁難嘛...難得想食...真係覺得受咗好嚴重打擊呀


咁叫里奧大人求其買叉燒...佢又話唔靚...太興靚 d...但佢又話騰黎騰去好麻煩...超...佢鍾意食嘅嘢有時我都分幾轉行黎買啦...所以佢咁講我好失望

是日懶餐 : 孤獨炒飯 + 粟米湯 + 薑蓉
孤獨炒飯 - 因為無餸陪佢...所以覺得佢好孤獨...我用菜甫粒 + 臘腸粒 + 薑粒 + 旦絲做配料...所以都叫做有 d 餸食下...
粟米湯 - 無菜食就會飲粟米湯
薑蔥蓉 - 唔想浪費 d 蔥...又可以當一道餸...又環保又好味...
天氣實在太涷喇...坐喺暖爐邊...睇睇下電視瞓埋...所以尋晚十點三已經瞓覺喇...

 

   

      

   

今朝七點起身...因為要北上睇中醫...又睇咗 $2088...又要拎 22 劑藥番屋企煲...希望快 d 調理好身體啦....係真係做 "咩" 都唔掂呀

去得深圳...當然又係要去丹桂軒飲茶啦...今次無咩人...可能太涷喇...所以都費事北上...
同里奧大人食咗素齋炸芋角 + 皮旦瘦肉粥配油條 + 蝦餃 + 山竹牛肉 + 竹笙上素餃 + 菜肉餃...埋單$120...勁飽...
素齋炸芋角 - 有馬蹄...口感好得意...太耐無食...所以覺得好好食

皮旦瘦肉粥配油條 - 好多皮旦...正...加埋 d 炸菜粒仲正...

蝦餃 - 好大隻蝦...好味...

山竹牛肉 - 好林...唔好食...

竹笙上素餃 - 好 fresh...好味...

菜肉餃 - 個皮太厚...唔好味...

之後拿拿聲番香港喇...因為里奧大人晏晝要番學呀!!