媽咪生日前夕 @ 板長壽司

尋日無嘢做...所以成日都係睇 blog...睇到眼痛同眼濛呀... 
尋日係媽咪生日前夕...因為媽咪生日正日...我要食公司春茗...所以提早一日慶祝...媽咪呢排唔知做咩...好想食壽司...因為食中菜食到厭喎...所以媽咪就話去板長食壽司喇

好難得先等到放工...咁啱里奧大人又見完客...所以就約埋一齊去攞位喇...行行下里奧大人話好肚餓...因為晏晝 d 飯好難食...又話好想食牛脷蘇...我話唔好啦...好快食飯架喇...但佢用好哀怨嘅眼神同我講話好餓喎...唉...咁我唯有話好啦...點知佢仲要買多杯豆漿...激到我 c...咁飽...一陣實食唔落嘢啦...所以佢好精...同我兩份食...但我只係食咗 1/4...飲咗兩啖豆漿啫...唔好再預我...
同里奧大人行陣商場買 d 小禮物比媽咪先再去板長壽司...去到六點三...居然要排隊喎...到叫我張 no. 時...個 asst. supervisor 話人未齊唔入得住 (我要係四人枱)...我話之前打電話問四個人...如果兩個人係咪可以入座...你地話得架噃...你依家話唔得??佢話依家係繁忙時間喎...我咪慶囉...話你地無講話繁忙時間唔得喎...而個牌都話半數可以入座 (無寫話只限於非繁忙時間)...好在講講下有把女人聲話到咗...原來係家姐黎嘅...無幾耐媽咪又到埋...可以一齊入去囉...好在媽咪到嘅時候有位咋...如果唔係個 asst. supervisor 就 c...我實丙到佢上天花板呀

今次期望唔大...因為上次食咩無咩...所以叫家姐有心理準備...但估唔到今次又樣樣齊喎...快手快腳叫咗芥辣墨魚軍艦 + 三文魚子軍艦 + 油甘魚軍艦 + 蟹肉蟹子沙律 + 日式海撒沙律 + 三文魚刺身 (六件) + 吉列蝦卷 + 加洲卷 + 鰻魚 (杯飯) + 親子 (杯飯) + 三文魚壽司 + 醋鯖魚壽司 + 蟹捧壽司 + 水牛乳雪糕...家姐係都要請...埋單 $298 咋...又飽...但家姐屋企有人黎睇樓...所以七點二就要走喇...我同媽咪..里奧大人就繼續食埋食剩 d 嘢...真係好飽...d 牛脷蘇又漏...里奧大人仲慘...飲咗杯勁甜豆漿...飲到想嘔喎...抵啦...食牛脷蘇就算啦...要買豆漿...law lee jin 呢

媽咪嘅生日禮物 - 旦糕擺設 














 

      
今朝里奧大人要見客...難得星期六...要自己孤零零搭車...孤零零食早餐...星期六我會對自己好 d...因為有多 d  時間食早餐...去咗美心食吉列魚柳拚腸仔配多士 + 熱檸茶  ($21)...魚柳熱辣辣...正到爆呀

番到公司一開機...msn 又唔得...幾驚呀...難得星期六...又難得老細 day off....好在後尾可以 m 咋...唔係真係唔抵喇

今日係媽咪正日生日...而我今晚係公司春茗...所以陪媽咪食晏...去媽咪屋企附近飲茶...食咗椒鹽白飯魚 + 灼魷魚柏葉菜心 + 羅漢齋粉包 + 鴨腳扎 + 鹹肉糉 ...食到勁飽...埋單都係 $90...媽咪生日...當然係我啦

飲完茶就上媽咪屋企 hea 下...同朱朱玩下...之後就約同事去食春茗喇...