( 10-may-2010 mon )
尋晚 12 點先瞓 我覺得真係好夜囉 今朝真係無哂精神 又落雨 媽咪又入咗院 仲更加無心機添 噢 ~
不過當我情緒低落嘅時候 我會諗番 d 會令自己開心會笑嘅嘢 咁樣就會舒服好多呢 ~
今朝食腸粉 但唔滑嘅 又小樣選擇 lu ~
Hea 下 M 下又到 lunch time 講出黎好似好嘆咁 其實有時都幾悶架 不過最邪係次次唔想做嘢就大把嘢做 同埋呢 有時我忙唔講出黎架咋 唔係真係咁嘆呢 ~
落雨濕濕 去對面買嘢食就算喇 今次買煎蛋免治牛肉意粉 但我覺得係豬肉囉 因為有好多 但我都無食到 因為食哂 d 意粉已經好飽 同埋 d 肉醬喺哂意粉底 所以都唔記得係有肉醬 ~
( 未撈勻嘅意粉係好核突架 好似咩嘢咁 果 d 呀 自己諗啦 成盒影仲核突 加埋我又影得衰 包妳話似果 d 咩嘢呀 哈哈 )
放工又落雨 最慘覺得凍咗 我好攰呀 所以今次豪 d 打的去醫院 去到啱啱 6 點 ~
見到媽咪都好精神 不過就包住咗隻腳 但就咁睇個瘀血範圍就應該細咗 感恩 但物理治療師就唔比媽咪落地 一定要瞓喺度 托高隻腳 知道媽咪悶 就比多條橡根帶 吊住喺床頭 悶嘅時候就 fing 可以當做運動 又可以血氣運行 好好呀 我玩咗陣都覺得成身熱哂呀 ~
無幾耐里奧大人都黎埋 一齊陪到媽咪 8 點就走 lu 費事比人趕呀 ~
因為要拎中藥 所以都係番到屋企附近先食嘢 一陣趕唔切仲煩 同埋真係唔想咁趕 好攰呀 ~
同里奧大人去食米線 我想食 d 酸辣嘢呀 同埋我只想食齋米線 ( 即係唔要餸 ) 再加碟菜 番屋企飲埋中藥 食埋生果 啱啱夠飽 ~
沒有留言:
發佈留言