Cheese Pizza ( 芝脆雞 ) @ 大埔 ( 15-may-2010 ) + 跑步

6" 環遊世界 ( 薄批 ) - 洋蔥 / 青椒 / 辣肉腸 / 火腿 / 蘑菇 / 菠蘿 / 牛肉 / 豬肉 - 呢個薄批有驚喜呀   多料   同埋芝士都幾多   個餅底都好脆   下次會再食 

百里香燒豬排骨 - 個樣好乾咁   但食落好 juicy 架   真係豬不可以貌相呀

肉醬焗意粉 - 又係幾多料   我覺得好味過 Pizza Hut 囉   不過就鹹咗 d

( 15-may-2010 sat )

星期六啦   要番半日工   半日啫   都好快過嘅   咁樣諗會開心好多架 ~


老闆又 off   個個同事嘅 mon 唔係 Yahoo 就 Facebook   真係 free 到爆   我 Partner 仲勁啦   早兩分鐘鬼鬼祟祟咁走   好心佢啦   都唔差果兩分鐘啦   Admin 坐喺門口架   人地高層早走都話丫   妳係 Small Potato 都咁夠膽   真係好佩服佢呢   做人做到咁   下下計到咁盡   做人最緊要唔好蝕底應該係佢用人嘅左右銘   唔蝕底係對自己無好處嘅嘢喎   唉   都唔明佢點教仔 ~

放工準時走啦 等巴士無無聊聊影下相   都幾大霧咁喎   不過我覺得好有仙境 feel   好靚   但我都係鍾意有陽光多 d ~


趕得切睇中醫   今次會打粉   兩個人飲   每日 1 次 or 2 次   材料有石斛 + 田七 + 花旗參 + 丹參 + 陳皮   醫師話要打兩個月   我話一個月夠喇   食得好就再打過囉   唔好咪浪費   之後執藥位仁兄問醫師得唔得   醫師話一個月就一個月啦   痴線嘅   唔得   我咪唔打囉   去另一度睇   到時你 $4000 都無得賺呀   兩個計價嘅仁兄無啦啦講鄉下話添   比我感覺好有呃人 feel 囉 ~


拎完藥就去食 tea 喇   再去街市買生果就番屋企 lu   諗住番教會   但里奧大人要整電腦   所以聽日先番喇 ~

今日超無煮意   所以就睇報紙等食飯   今次去 Cheese Pizza   估唔到好味喎   我覺得好味過 Shakey's Pizza  同 Pizza Hut   不過唔知係咪今次新鮮感呢   下次再食多次先得 ~ 

同里奧大人去跑步   都跑咗差唔多 3 個星期   加埋飲中藥   我覺得臉色同身體都好咗咁呀   感恩 ~