特辣 XO 醬炒西蘭花龍蝦丸 + 腸仔 + 超力米粉 ( 14-may-2010 ) + 跑步

( 14-may-2010 fri )

Happy Friday 喇   哈哈   每次星期五拎住本忽然一週就會好開心   因為代表 Happy Friday   行入菇場都特別開心架 ~



阿 Head 出 trip 份外 free   不過我都好檢點嘅   上網都係縮細 screen 睇嘢呢 ~   
晏晝又係  lunch box   如果第時係蔬菜為主都係唔好帶 lunch box 會好 d   因為叮完 "淋" 哂   我超唔鍾意呢 d 口感架 ~  
臨放工前開個小會   就係話細老闆會長註香港 Office   所以呢   我地唔可以上網   因為大陸係封鎖上網喎   又話番工 & lunch hour   盡量唔好咁遲番   守時對我黎講無問題丫   突然我覺得好有番工 feel 呀   哈哈 ~  
是日懶餐 - 特辣 XO 醬炒西蘭花龍蝦丸 + 腸仔 + 超力米粉
特辣 XO 醬炒西蘭花龍蝦丸 - 好想食西蘭花   又唔想整帶子 ( 煩嘛   要出水又要醃 )   所以改為龍蝦丸   切片攪掂   方便到震呀 ~     
腸仔 - 掙扎咗好幾年買唔買腸仔放雪柜好   因為我唔想擺咁多無益嘢喺雪柜   但呢   喺屋企整常餐都要有腸仔家嘛   一做要做全套家嘛   咁腸仔 + 雞翼又有 BBQ feel   唔駛真係熱辣辣出街燒   計落都買得過   所以即買喇 ~   
超力米粉 - 勁想食南記辣椒醬同雜豆   所以一定要食米粉呀   辣到出汗   爽呀 ~
抖陣又同里奧大人跑步   去到體育會已經 9:20 pm ( 因為 9:30 pm closed )   同里奧大人話不如跑公園算啦   我話比咗錢呀   10 分鐘就 10 分鐘啦   9:30 pm 見練話同其他人都走   我同里奧大人都諗住走   點知教練話等埋阿姐入黎清潔   妳地走都未遲   嘩   咁我地就繼續跑囉   估唔到亞姐 9:45 pm 先入黎清潔   玩多 15 分鐘喎   真係好感恩呢 ~