Food Court @ APM ( 9-may-2010 )

( 9-may-2010 sun )

呢朝大食表妹 9 點打黎我屋企   問我媽咪點樣   真係嚇死人啦   咁早打黎   不過見佢咁有心   費事話佢咋   下次搵機會講下先 ~
里奧大人同我醒咗都瞓唔番   不過佢就玩電腦   我就喺度碌黎碌去   因為我都想瞓   但瞓唔到   所以出去食早餐 lu ~

同里奧大人食完早餐就去睇中醫   點知睇到 1 點幾   去唔到運動會跑步   我又要番屋企沖涼   又番唔到教會   所以番屋企執廚柜同熨衫   hea 陣又出去食 tea 喇   再飲埋中藥就出去買 Hard Disk   買完探媽咪呢 ~

的士好 chok 呀   有下 chok 到里奧大人問係咪有人衝出黎   所以急剎車   噢   比佢咁 chok   我腦海即刻浮現上次家姐同媽咪入 A & E   個司機又係勁 chok   收錢係好無禮貌咁第隻手向後面   家姐比錢時就鬧佢   嫌小錢就咪楂啦   痴痴地線   咁呢一刻我都知道佢嫌小錢定啦   我即刻同里奧大人講 : 哎呀   咁 chok 好想嘔呀   個司機聽到   之後無 chok 過   呢 d 人真係好衰格架   無職業操手   廿蚊唔係錢咩   同埋果時媽咪對腳係腫到大笨象腳咁樣   所以先坐的士   我真係好討厭呢 d 的士司機呀 ~
媽咪隻腳嘅瘀血縮細咗 1 吋   感謝神   但醫生話要退哂先番得屋企   無問題啦   醫院安全嘛   係悶 d 咁啫 ~ 
無耐家姐同姐夫都黎埋   一齊陪到媽咪 8 點就走 lu ~ 
今日母親節呀   好多地方都要等食   我又太攰   無 book 定位   不過今日 book 乜都應該無架喇   最後去 Food Court 食嘢   我覺得 City'super 嘅 Food Court 都好好味   好味過我屋企附近 d 餐廳添架 ~