慶祝母親節 @ 家傳滬曉 ( APM ) ( 7-may-2010 )

鴨松子併叉子燒餅 - 最鍾意食松子   同埋有 d 榨菜同馬蹄   好爽口呀   好味道   最緊要唔鹹呀

上海粗炒 - 食咗兩啖   又唔係好油喎   唔錯 

酸辣湯 - 太酸喇   我麻麻地   不過都幾多材料

饅頭宮保雞丁- 媽咪話之前食嘅係腰果   覺得好惹味   依家變咗花生同埋唔夠惹味   但我鍾意食個炸饅頭   個皮脆卜卜好味呀 ~

蔥油餅 - 熱辣辣   不過佢地唔食   我要食哂一個   唉 

家常餅 - 每人一片   不過無乜特別   味道同蔥油餅差唔多   睇食評又話煙韌嘅   所以我話要食   點知不外如是   害咗佢地啦   哈哈    

小籠包 - 簽 HK Bank 信用卡就送小籠包   好在問一問乜嘢信用卡有優惠   慳番幾十蚊呀 

高力芒果奶黃-  我覺得個皮勁有食鹹水角 feel 囉   

( 7-may-2010 fri )

尋晚瞓瞓下行雷   嚇到呢   瞓唔番   瞓着嘅時候又行雷   真係鬧鐘響都唔願起身呀   要懶床 5 分鐘先捨得醒呢 ~

一早又毛毛雨   天陰陰咁   好在 Happy Friday 嘅心情無受到影響啫 ~

早餐 : 五香肉丁榨菜肉絲米粉

 
同 8 卦出去食 lunch   佢尋日約定我啦   我都唔好意思推咯   晏晝好焗呀   唔理咁多   去到邊到有位就入去食喇   呢間係小廚餐廳黎嘅   估唔到有粥食   仲幾好味添喎   呢間餐廳又開冷氣又開風扇   一路食一路有凍嘅感覺添呀 ~ 

午餐 : 荔灣艇仔粥

今晚超開心啦   因為同媽咪食飯預祝母親節呀   一行六人   可惜係限時個半鐘頭啦   如果唔係更好呀 ~