( 5-may-2010 wed )
我習慣每朝都會打比里奧大人 問佢食乜 如果知佢食丁丁就會話佢 無益嘛 今朝佢話食芝蛋治 搞到我明明想食奶醬多都突然間想食腿蛋治喎 噢 ~
我 Partner 真係好頂癮 聽佢講嘢覺得佢唔經大腦 我有個女同事未結婚 ( 年紀唔小 ) 就成日講話妳又未結婚點點點 未結婚咁咁咁 搞到好尷尬 有次同另一層樓嘅阿叔一齊放工 阿叔問佢番幾點 佢話朝早 9 點 阿 Partner 就問番佢番幾點 阿叔話 7 點半 阿 Partner 就話做乜番咁早 天呀 我同另外兩個同事聽到佢咁問都 O 哂咀 妳眼望我眼呀 番 7 點半唔通為興趣咩 梗係公司要求架啦 因為佢要開門比清潔阿姐 噢 問埋 d 咁問題 help me ~
晏晝 lunch box 尋晚無乜點食榨菜肉碎 今日食好似新餸咁呀 ~
今晚又係買完餸睇中醫 其實我好怕拎住 d 餸周圍走 好鬼肉酸 但如果唔買餸先 又驚買唔到喎 肉酸就肉酸啦 為咗里奧大人有飯食 唯有犧牲色相啦 ~
是日晚餐 - 肉醬意粉
肉醬意粉 - 材料有 $10 肉碎 + 3 個蕃茄 + 1 大碗雜豆 仲有蒜蓉 + 乾蔥蓉 + 茄膏 + 茄汁 + 蠔油 + 老抽 + 糖 我覺得今次整得 very good 呀 d 汁唔太稀 最正係條條意粉都索哂 d 汁呀 不過今次無加芝士同埋無焗 但我覺得仲好味呀 ~
呢晚送梳化呀 好感恩食完飯 梳化就到喇 咁就唔使影響我跑步時間啦 但梳化個手教位比師傅整鬆咗 唔用得住 要搵其他師傅整 唉 ~
沒有留言:
發佈留言