孜然雞翼 + 菜心 + 炒飯 ( 6-may-2010 )

( 6-may-2010 thu )
今日 lunch box 嘅份量唔小   所以食 d 酸酸咪咪嘅早餐   唔係一陣滯到食唔到 lunch 就慘咯 ~



忙咗陣又可以休息   又做下電腦 filing   好快就到 lunch time 喇 ~

今晚唔駛去街市買餸   因為有師傅上屋企整梳化手制   所以 6 點半一定要番到屋企   點知佢 7 點先到   又約人 6 點半喎   真係丫 ~   
里奧大人呢日上大陸開會   8 點幾先番到屋企   唔駛出去跑步 lu ~
是日懶餐 - 孜然雞翼 + 菜心 + 炒飯
孜然雞翼 - 焗爐萬歲   不過今次焗得太耐   好乾呀   我次次焗雞翼都係皮向下面   所以次次一翻轉焗 d 皮就會痴住喺錫紙   但今次勁痴   隻隻雞翼變到無哂皮   里奧大人仲以為我咁細心拻哂 d 皮添呀   哎呀   雖然唔食皮啫   但影相隻隻甩皮好肉酸呀   好在有 1 隻係完整無缺咋   唔係我會反轉哂黎影   好過影甩皮雞翼   好似好求其整咁   我煮每餐飯都好有心機架   哈哈 ~
菜心 - 雖然都幾甜   但有渣唔好食囉 ~ 
炒飯 - 又係炒到痴底   唔知係咪有燕麥米呢 ( 咁諗會令自己好過 d )   唉   已經多油   個鑊又熱   咁都痴底   真係人都顛呀   今次就咁用蒜粒 + 薑粒 + 魚露一齊炒   都好好味呢 ~  
今晚跑唔到步喇   喺屋企熨衫當做運動都唔錯丫   最緊要郁下啫 ~