( 11-jun-2010 fri )
早餐食 炒米粉 + 燒賣 加埋適量辣椒油勁好味呀 ~
10 點幾媽咪打黎話出得院 當堂開心哂呀 番屋企心情好好多家嘛 ~
晏晝食芝士糙米包 食完有 d 驚呀 ~
放工幫家姐拎鞋 再去超市然後上媽咪屋企 諗住等埋里奧大人就一齊出去食 但佢話會好遲收工 我又未餓 所以買嘢食比媽咪先 費事佢行咁多啦 咁媽咪屋企電話無電 個個又打黎 我又左一袋又一袋 又熱喎 問題係我又未見到媽咪 點知乜情況啫 都話打比媽咪手提啦 又唔打 整到我都煩哂呀 雖然佢地係關心媽咪 但我都話未見到媽咪 見到打比佢地咯 佢地又唔知點解心急到咁 唉 ~
坐到 8 點就走啦 其實里奧大人仲未放工 不過費事媽咪又擔心我地夜食飯 所以走啦 諗住比個驚喜里奧大人 就係接佢放工 點知呢 佢原來開會 我周圍行咗 40 分鐘 熱到呢 有 d 暈咁呀 但我又唔想去餐廳一路坐一路等喎 因為話明接佢放工嘛 等佢開心 d ( 我自己想 ) ~
同里奧大人去牛頭角食嘢 因為我實在太攰太熱喇 呢間茶餐廳都唔錯架 仲有波睇添 不過我地 10 點就食完走喇 開到電視太大聲 最慘係個喇叭喺我地後面 嘈到頭痛 反正自己屋企有得睇 同埋呢場南非對墨西哥都無乜興趣 快 d 番屋企沖涼瞓覺好過呀 ~
沒有留言:
發佈留言