上海一品香 @ 官塘廣場 ( 5-jun-2010 )

( 5-jun-2010 sat )

嘩   終於到每月一次 OFF 呀   真係等到頸都長呢   同里奧大人瞓到 10 點自然醒   今次去另一間食早餐   無咁悶嘛   雖然都係 A 餐 B 餐 ~

番到屋企就好有衝勁熨衫   兩機衫話咁快熨完   之後比自己抖下   本來諗住拖地同抹柜   但都係留番聽日做   好好享受下呢個難得每月一次嘅 OFF ~

抖到 2 點半就食 tea 喇   因為一陣要去買嘢同探媽咪   唔想咁趕 ~

食完 tea 就陪里奧大人去買 Iphone   依家真係除咗 Iphone 之外   好似無其他電話咁   入親 Smartone 梗有人買   去到邊梗有一個人用   真係 Hit 爆   不過電話有問題一定要買   如果唔係都唔會買佢呢 ~

買完就出去探媽咪 lu   之後買埋嘢食比媽咪   去到醫院啱啱好開門   感恩感恩 ~

同里奧大人去官塘廣場食上海嘢   真係好耐好耐無幫襯佢地架喇   見佢地招牌仲喺度   應該未執啩   去到好彩仲喺到   仲超級多人   好彩好快有位   仲唔駛塔枱   爽呀 ~