明新焗飯小廚@ 大埔 ( 3-jun-2010 )

腰果宮保雞丁 - 睇個樣嚇一跳   無啦啦有脆肉瓜嘅   同埋人地好似好深色家嘛   佢仲強調話辣   辣鬼   片薑就辣喇   下次等我自己整先   應該好味同靚仔過佢呀
蒜蓉通菜炒牛肉 - 牛肉好韌   不過我又鍾意食喎   最怕食 "林" 哂嘅牛肉

( 3-jun-2010 thu )
次次媽咪一入院我就無哂心機   求其有嘢落口就算喇   又攰喎   都無乜胃口 ~


番到菇場都無乜 mood   好在細老闆唔喺度   上網都無問題呢 ~

晏晝喺菇場焗福麵   之後買嘢比媽咪   諗住去惠康用 Enjoy 卡有 95 折   不過成日諗媽咪幾時做手術   諗到乜都唔記得   居然比咗 Coupon 喎   咁咪無折囉   蝕哂呀   唉 ~  
放工打的去探媽咪   都係想早 d 到   雖然坐地鐵轉 van 仔都係相差 15 分鐘   但唔知會唔會我坐一陣媽咪就做手術   所以都係早 d 到好過   陪佢等佢無咁驚 ~ 
同家姐正想走嘅時候   咁啱媽咪要去手術室   咁我地等埋佢轉床入 Lift 就走喇 ~ 
家姐約咗姐夫同朋友喺 APM 食嘢   我就番去同里奧大人食飯 lu ~

一落車接到家姐打黎   話媽咪打比佢   我心諗麻醉藥咁快過嘅   原來媽咪打比家姐話驚得滯   心跳太快   所以唔做得住喎   家姐就話驚咩喎   都等咗成日啦   妳又話餓喎   做完咪可以食嘢囉   不過家姐話講完都驚媽咪唔開心   但入親去都驚架啦   咁唔通下次入唔驚咩   咁咪等如唔駛做   我都想媽咪快 d 做手術   唔駛我心掛掛嘛 ~
呢晚唔知做乜   無啦啦勁想食中菜同飯   但今次整得麻麻地囉   又小個選擇 lu ~