新之食 @ 官塘 ( 4-jun-2010 )

( 4-jun-2010 fri )

終於 Happy Friday 喇   諗起假期可以抖下就好開心呢 ~


呢排探媽咪好攰   所以 lunch 又係焗福麵   包麵今日到期   食埋去就一了百了 ~  
今日唔駛買嘢食比媽咪   咁就搭地鐵轉 van 仔   平好多嘛   去到以為媽咪做咗手術   因為佢聞緊氣 ( 氣促 )   點知原來未做   驚得滯   心跳太快   醫生話危險唔做   又唔係話緊急   所以再排過   我真係好激氣 ( 不過忍住唔話佢 )   大佬   等咗一晚終於有得做   依家話驚   又唔知要等幾時   醫院又多菌喎   做完拿拿聲出院好過啦   咁下次一入手術室又驚又唔做咩   咁樣等喎   個傷口自己都可能有機會埋口啦   唉   我真係無咁好氣   只係話我無咁嘅精神晚晚探妳   我真係好攰囉 ~
唉   雖則小手術   但佢一日未做我都會擔心家嘛 ~

今晚里奧大人同大姑奶都黎探媽咪   之後一齊食飯   我一早諗咗食刀削麵   因為好想食辣菜甫呢 ~