蝦 - 送架
生蠔 - 今次都幾大隻 食到最後先醒起最想食係生蠔 不過太飽無再叫 lu
黑椒牛肉丸 - 呢個麻麻地
手打蝦膠 - 好滑 好味呀 今次好大碟 遠睇好似雪糕咁呀
四寶丸 - 無特別
肥牛肉 - 個樣超衰
豬潤 - 好想食 但淥完之後無食 覺得好恐怖
鯇魚腩骨 - 好味過鯇魚片 因為無咁多細骨
牛柏葉 - 我鍾意食架 爽爽地正呀
娃娃菜 / 金菇 / 公仔麵 - 打邊爐一定要有金菇 煮哂 d 湯超好味呀
油麥菜 /生菜 - 一定要有菜啦 又係索哂 d 湯好正呀
竹蔗水 - 有生以黎飲到最甜嘅竹蔗水 可能又唔凍 所以仲更加甜 最後忍唔住飲咗半罐汽水
送片皮鴨 1 片 但就要排隊 每人只可以拎 1 份 我叫里奧大人出去拎 佢幾唔想呀 話叫佢做埋呢 d 嘢喎 哎 yo 就係明知核突先叫你攞 唔係咁唔知嘛
片皮鴨 - 但無薄餅喎 不過就咁食都好味喎 可能肚餓啦
( 9-jun-2010 wed )
呢朝勁想食出前一丁 所謂嘅出前一丁 其實只係比包出前一丁味粉 我覺得口感唔似丁囉 雖然我喺屋企食開唔係日本丁 但都覺得同屋企食開嘅唔同 下次都係唔加 $2 食丁喇 ~
番到菇場無搞作喎 所以成日諗媽咪做咗手術未 點知媽咪 11 點幾打黎話又比人插隊 又要再等 聽完無哂心機 個人有 d 掹好想喊 里奧大人又上咗大陸喎 費事打比佢啦 好在比自己冷靜一下就無事 唔係點喎 ~
晏晝買三餸飯 2 菜 1 肉真係唔錯 最緊要 d 飯唔好 "林" 我依家咁有牙力 軟飯呢 d 留番我老咗先食啦 ~
今晚又打的探媽咪 無啦啦塞車喎 幾驚呀 見到個咪錶係咁跳 我心跳都加速埋呀 ~
入到病房見到媽咪又係好攰咁 心諗又未做啦 再行近望到 d 儀器唔同咗 即問媽咪做咗手術未 原來 1 點 30 分開始做啦 感謝神 手術都好順利 之後姑娘話媽咪試飲一啖水 如果無作嘔就可以食嘢 感恩媽咪無嘢 仲想食提子添 ~
之後家姐同姐夫又黎埋 見到媽咪做完手術就開心啦 唔駛日日心掛掛嘛 ~
媽咪好攰 所以比佢休息 我地 7 點半走 lu ~
今晚非常之開心 所以同里奧大人打邊爐 因為我好想食呀 8 點半又平 d 所以更加要去啦 不過唔知點解要叫高級宴會廳囉 又唔見得豪華喎 酒樓就酒樓啦 ~
沒有留言:
發佈留言