春卷豬腩肉小鍋米線 ( 小辣 )
菜心
( 1-oct-2010 fri )
今日國慶放假一天 天氣仲非常非常之好 所以同里奧大人食完早餐就出發去長洲 lu ~
吉列魚柳炒蛋配厚多士
牛扒炒蛋配蘿蔔糕
我真係好鍾意喺市區嘅感覺 因為覺得去邊度都有車咁 時間真係慳唔小架 ~
好感恩 去到碼頭仲有 8 分鐘就開船 咁唔駛待咁耐嘛 但快速船都好貴 要 $3x 但半個鐘就去到 不過其實應該咁講 見有咩船就坐咩船 好過喺碼頭等咁囉 ~
話咁快入到長洲 比我想像中小人 可能連放 3 日 個個去旅行都未定呀 ~
第一件事去醫肚 今次去另一間食海鮮 但唔好味囉 已經無期望架喇 但無理由次次都去同一間家嘛 係咪先 ~
椒鹽魷魚 - 新鮮熱辣 個粉又唔厚 點埋喼汁一齊食真係好好味呀
蒜蓉粉絲蒸扇貝 - 好細隻囉 同埋 d 粉絲好似最後先放咁 賣相唔多好
豉椒炒蜆 - 個汁絕對失望呢 好鬼鹹呀 之得叫佢加 d 指天椒一齊炒啦
豉椒炒蟶子 - 同一個汁黎 都係好鹹 d 蟶子口感好似土魷咁呀 唔係爽嘅 不過其實我唔知蟶子口感係點囉
食完行下影相又再食 之後食完又去沙灘影相 見到 d 人玩水 我都好想玩埋一份呀 因為實在太熱喇 ~
雞屎滕 - 煙煙韌韌最啱我呀
芝麻糕 - 好香芝麻味 食一件都夠飽 里奧大人仲買咗兩件番屋企食 不過係留番第晚食呢 ~
3 隻出世無耐嘅貓仔 見無人 所以我手快快咁影 點知無啦啦行緊嘅人又黎影 最恐怖係個檔主出埋黎呀 我幾驚比人鬧呀 原來佢出黎同我傾計 嚇得我丫 ~
好似笑緊嘅狗仔 我鍾意呀 陌生人摸佢都無反應咁架 不過我唔敢摸呀 一陣無啦啦吠就嚇瓜我啦 ~
我地臨出門口嘅時候 里奧大人問我有無帶多件衫 驚一陣凍 因為我帶細袋唔想拎 所以呃佢話有 佢當然唔信啦 之後佢原本帶細袋 都揹番個背囊 睇見佢都辛苦 因為真係好鬼熱嘛 佢又幾鬼好嘅 唔激我嘅時候 ~
實在太熱喇 所以去食雪花冰 $22 杯咋 我仲同里奧大人講 $22 咁平都未必好味 不過太熱 真係要嘆下冷氣食啖冰嘅必要囉 估唔到個冰超有驚喜 d 味道好濃 唔知下次食仲係咪咁平而又 keep 到呢個水準呢 ~
石榴味雪花冰配士多啤梨醬 - 超好味 好香石榴味呀
藍莓味雪花冰配士多啤梨醬 - 一樣係好有藍莓味呀
長洲出名嘅食店真係好多人排隊 我地行咗陣見好多人買魚蛋 又買黎試下 之後再食埋芒果腸粉就走喇 ~
咖哩魚蛋 ( $10 ) - 都幾貴 不過又幾好味嘅
芒果鴛鴦腸粉 ( $18 ) - 特登去食架 點知呢 極度超級嚴重失望呀 d 芒果酸到呢 又無哂芒果糯米糍喎 不過里奧大人話無都無所謂 因為 d 芒果實在太酸好難頂呀
我地 miss 咗班船 但聽到有加班船 所以即搭喇 不過係普通船同無冷氣 ( $16.8 ) 但上船又唔熱喎 d 海風吹埋黎好舒服添呀 ~
橫掂出開黎 所以去埋南記食春卷小鍋米線 里奧大人真係好鍾意南記 次次食都好開心 食完再行下 Sogo 就番屋企 lu 今日真係好 relax 好開心呀 ~
沒有留言:
發佈留言