上海粗炒 + 青紅蘿蔔粟米豬骨湯 ( 10-oct-2010 )

( 10-oct-2010 sun )
今朝同里奧大人去 KFC 食早餐   慢到呢   真係間間 KFC 都好鬼慢   唔知點解   但佢地個樣同動作好急咁架喎   問又問幾次咁   真係問到火呀 ~

食完早餐番教會喇   我抱住教友個 BB   大約 1 歲左右   我同里奧大人講   一陣 d 人以為係我就搞笑 ( 因為我成日比人話我似有 BB )   里奧大人話誤會還誤會   最緊要 d 人唔好話個 BB 似佢就得喇   嘩哈哈哈哈   我 choi ~

之後同自己小組一齊飲茶   好耐無一齊傾計食飯喇   傾到 3 點幾就各自歸家 lu   我就去買餸先買屋企   幾咁賢妻呀 ~ 
番到屋企預備好煲湯   就同里奧大人出發去做運動喇 ~
( 途徑見到有炭燒雞蛋仔   所以買黎食   新鮮熱辣好正呀 )

是日晚餐 - 上海粗炒 + 青紅蘿蔔粟米豬骨湯
上海粗炒 - 諗住煮新嘢啦   求其立一立食譜就跟住做   唉   出水之後好糊咁   已經心知不妙   但唔知乜嘢不妙   炒嘅時候又好糊   真係知不妙喇   唔方好食啦   但唔好食都算   里奧大人話係生架   個麵心係白色嘅   之後再炒   都係仲有小小白色   激鬼氣呀   無理由成碟掉哂家嘛    所以留番聽晚蒸熱食算喇   今晚無得食呀 ~
青紅蘿蔔粟米豬骨湯 - 好在煲湯料夠多咋   就咁食湯料都夠飽   有瓜又有肉  唔係真係要煮丁丁架喇 ~