Ruby Tuesday @ 九龍灣 ( 14-oct-2010 )

( 14-oct-2010 thu )
今朝又食健康早餐   再加多半杯暖水   真係超級飽肚咯 ~

呢排成日 11 點幾先瞓   對我黎講真係好夜架喇   所以呢幾日都好攰咁   成日番工想瞓覺 ~
唔想出去食呀   所以晏晝買嘢番菇場食    呢個野菌鮮牛魚湯米線都唔錯   不過好唔鍾意 d 蕃茄囉 ~
 

今日係家姐生日   所以同佢慶祝   又係 Ruby Tuesday   有半價嘛   真係抵好多   同埋又近大家喎   真係唔錯嘅選擇呢 ~
一早諗咗送手機比家姐   但就唔知家姐鍾唔鍾意   咁食完飯之後   里奧大人就無啦啦同家姐講話同佢去睇嘢   其實都好感動里奧大人記得我想送電話比家姐   因為我家姐超鍾意紫色   部手機又係紫色   我呃佢話我想換電話   借 d 易問佢鍾唔鍾意   佢話佢又想一齊買喎   難得做 promo 喎   嚇得我丫   我即刻話我試咗先   好先再買   我同里奧大人成日問佢啱唔啱先   啱就買   好在家姐無察覺我地想買比佢咋   唔係就無 Superise 啦 ~
之後一齊去巴士站   我地就比部電話佢   佢以為我地玩   又話唔識又話唔要   咁當然最後都要啦   事實真係買比佢架喎   睇佢樣真係好鬼開心囉   我都好開心呢   因為家姐對我真係好好好好呀呢 ~

里奧大人今次都好好   主動話幫家姐睇下部手機點用   有乜 Function   又幫佢 Download 歌   又即刻去買 SIM Card   仲比埋錢添   番到屋企又即刻做嘢啦   佢明明話好攰要早 d 瞓    但都搞到 11 點幾先瞓   呢下真係好感動呢 ~