味千拉麵 @ 九龍灣 ( 8-oct-2010 ) + 跑步

( 手造餃子 )( 日式炸豆腐 )( 有營雜菜拉麵 )( 蕃茄雞絲拉麵 )
( 8-oct-2010 fri )
Happy Friday 喇   要出街食份豐富 d 嘅早餐   咁先配合到 Happy Friday 嘅心情呀 ~

菇場都幾忙   不過都幾好   所以覺得今個星期 d 時間過得好快 ~

晏晝有 lunch box 啦   原來我同事好鍾意睇我整咩   話我整得好靚喎   可能佢地好小煮炒飯意粉之類嘅嘢   所以先吸引到佢地   話時話   真係未見過同事帶意粉架 ~ 
里奧大人晏晝上咗大陸開會   咁無咁早番香港   所以我放工去睇媽咪   佢好似有 d 氣促   所以睇下佢   有乜事就陪佢入院   但佢話只係好攰   話唔駛   咁算啦   最緊要佢自己覺得無問題就得架喇 ~
( 好小見到寶寶瞓覺    所以 zoom 黎影佢 )( 後尾知我喺度   所以半醒 )( 之後醒哂   哈 )同里奧大人去食味千拉麵   不過呢間唔會再去食   個湯底係無味嘅   聽親好多人都話味千拉麵好多味精好鹹咁   咁呢間應該無啦   無喱味道   服務態度又唔好   有個 Waitress 唔知講咗句日文定真係講廣東話   我聽到佢話 "妳去屙尿"   但又唔見有同事行開喎   咁應該講日文啩 ~
之後隔離枱坐咗兩個十幾歲o靚o妹   一坐得無啦啦講巨強   又話屋企放咗巨強屋   佢話有個殺強方法好有效   就係用藍威寶 + 漂白水 + 滴露 + 番梘 ( 佢講咗 6-7 樣嘢   但我唔記得   總之全部都係清潔劑 )   佢個 frd 都話咁多嘢倒出黎實死啦   我聽到真係好想笑囉   仲以為乜方法咁勁   倒咁多樣   開蓋都有排開啦   同埋有 d 清潔劑係唔可以兩溝架   痴線   之後呢   又講經痛喎   又話 7日都好痛   又咁咁咁   仲伸過頭去對面個 frd 度細細聲講   唉   好心啦   話哂公眾地方   呢 d 咪傾咁大聲啦   同埋話哂有個男人坐妳隔離   妳都咪講啦  係咪呀   里奧大人話我 8 喎   係佢地講得大聲咋   妳知時下 d 年青人架啦   講嘢又大大聲要吸引人    講埋 d 嘢又懶自豪咁   唉 ~ 
番到屋企抖番 1 個鐘就一齊出去做運動 lu ~