什錦炒飯 + 油麥菜 + 豬腳薑 ( 5-oct-2010 )

( 5-oct-2010 tue )
今朝早餐食 Special K + 朱古力奶   再加多半杯熱茶   間唔中喺屋企食早餐好似幾他條咁 ~


天氣又係好清涼呀   但耐何秋天時間實在太短呢 ~
番到菇場忙到爆炸   好快好快就到 lunch time   唔知食咩好   周圍行下睇有乜好食   突然諗起 7-11 咖哩烏冬   所以就買番菇場食喇   估唔到今次 d 咖哩勁好味   烏冬又唔太 "林"   上次食嘅咖哩烏冬唔好食架   不過唔知下次又會點呢 ~ 

食完就準時開工啦   忙到差唔多 5 點先搞掂 8899   留番 d 聽日做   咁樣聽日 d 時間易過 d ~

放工落毛毛雨   所以都唔去街市 lu   本來諗住整粟米湯   但里奧大人又話個胃有 d 唔舒服    咁就無謂整啦   走去超市買菜   買下買下又用百幾蚊 ( 好在有 Coupon )   次次都係咁架   有嘢買嘅時候想買夠一百蚊都好難   反而無目的去買嘢呢   就會用成一百蚊   我估係因為實在有時間慢慢行   買 d 買 d 咁囉 ~  

依家里奧大人番屋企都好快   所以都唔會刻意打比佢   問佢幾時夜工   唔想催佢咁   我以前唔係架   打電話催佢   如果佢話未放工   我會 "cup" 佢線架   之後我 d 朋友話我衰喎   做嘢咋   又唔係玩   自此之後我都無 "cup" 佢線   但會問佢幾點放工   但依家就等佢打比我   佢未番我就做家務   咁樣唔駛浪費 d 時間嘛 ~
是日懶餐 - 什錦炒飯 + 油麥菜 + 豬腳薑
什錦炒飯 - 用哂冰格嘅食物做材料   有鳴門卷 + 蝦仁 + 腸仔 + 雜豆   再加埋蒜頭同薑粒   再用擔擔醬一齊炒呀炒   炒到一大碟   要出動大焗盤先得呀   勁有 party feel ~
油麥菜 - 超市  $10/2包   咁樣都幾抵喎   因為依家街市買菜都唔平呢 ~  
豬腳薑 - 係時候要補補身   同埋快 d 食完可以清下雪柜 d 位呀 ~