水餃 / 韭菜餃出前一丁 + 脆肉瓜 ( 22-oct-2010 )

一心諗住用整碗上湯食撈麵   點知

( 22-oct-2010 fri )
Happy Friday 喇   今朝去 KFC 食早餐   因為好想食魚柳包   之前其實鍾意食 KFC 魚柳包多過麥記魚柳包   不過依家無咁好味 lu ~


番到菇場忙到震   震到 lunch time   呢排無 lunch box   真係諗食咩都好煩   今日超勁想食星洲炒米   好在樓下餐廳有 set lunch 係星洲炒米   咁我又唔駛行咁遠   因為條街好鬼凍呀 ~ 


今晚去街市買水餃/韭菜餃同埋粗麵   諗住整個撈粗   點知番到屋企即刻整   我將 d 麵放落煲差唔多 1 分鐘   我夾一條試食   係"林"架   同埋超超超超大陣梘水味   煮到無耐 d 水又好糊    咁即改細火煲啦   不過上碟嘅時候   我再試下 d 麵   都一樣係"林"到呢   仲"林"過豆腐呀   就咁吞都得   但我唔忿氣點解會咁   所以煮完之後就上色   加老抽生抽麻油   希望收哂水會爽 d   一路話會好食嘅會好食嘅   不過到最後再試食   我真係頂唔順個口感囉   最終都係掉咗   嘥鬼哂我 d 心機 ~

是日懶餐 - 水餃/韭菜餃出前一丁 + 脆肉瓜

水餃/韭菜餃出前一丁 - 撈粗就無喇   唯有煮丁啦   里奧大人就慘 d   早餐又丁   夜晚又丁    仲話食到驚   車   晨早話叫佢出街唔好食丁   我 OFF 或者星期日會煮丁丁家嘛   依家講到兩餐食丁好慘咁   真係呢 ~

脆肉瓜 - 用雞湯煮脆肉瓜   不過都一樣無味嘅   哈 ~