煎比目魚 + 臘腸 + 菠菜 ( 23-oct-2010 ) + 跑步

( 23-oct-2010 sat )
諗住打風唔成 3 日雨   所以唔約媽咪飲茶   點知一起身望出去   都不知幾咁好天   不過咁都好   我又可以瞓多 1 個鐘頭   再他他條條去大家樂食埋早餐先番工   都唔錯架 ~


又係 hea 下 hea 下等放工   去埋超市買嘢先同里奧大人食 tea ~

食完抖陣就去做運動喇   太耐無做   都係做半個鐘頭算喇 ~   
是日懶餐 - 煎比目魚 + 菠菜
煎比目魚 - 我呢   好鬼有心機咁煎架   一諗到煎出黎係金黃色呢   就好鬼開心   但太耐無煎魚   無落生粉   一上碟已經散哂咁   都唔緊要   賣相唔好   但好食咪得囉   食嘅時候又唔覺話好熱   我以為係因為擺耐咗   點知食食下見到個碟有水   我覺得好奇   咁應該係條魚未熟呀   嚇到我叫里奧大人 stop   千其唔好食呀   應該未熟   唉   好在食剩唔多啫   唔係就嘥哂 d 嘢咯 ~ 
菠菜 - 原本諗住整金銀蛋菠菜   不過都係唔想又特登烚隻鹹蛋   所以就咁灼熟 d 菠菜就算    都幾好味丫   清清地 ~ 
臘腸 - 好耐無食咁   覺得好好味呀   肥就肥啦 ~ 
今晚食完飯   里奧大人兒甥女晴晴自己一個黎探我地   真係好乖呀   仲坐咗個幾鐘先走   最開心佢話我間屋整齊嘛 ~