叉燒炒燕麥飯 + 合掌手粟米紅蘿蔔豬骨湯 ( 17-oct-2010 ) + 跑步

( 17-oct-2010 sun )
呢排里奧大人都好攰   所以無番教會   比佢瞓到自然醒   都瞓到差唔多 11 點   我就起身煮早餐喇 ~  

之後去買煲湯材料   又去超市買豬骨   滕黎滕去   番到屋企熨埋衫   原來已經 2 點幾   又係時候出發去食 tea 喇 ~ 

食完 tea 再去 Pacific Coffee 飲咖啡   因為買一送一   但我覺得佢地 d 咖啡無咁濃   同埋今次最無癮一樣嘢   就係隔離枱個女人喺度教小朋友   個小孩大約 5-6 歲   食嘢又話   抹眼又話   總之我坐咁耐就聽佢把聲咁耐   好在唔係刺耳果隻   但人地一心諗住 relax   點知比佢嚴重破壞哂過氣氛   里奧大人仲話可能我都係咁   係   我都會話小朋友   但唔會連續半個鐘喺咁轟炸佢囉   同埋睇場合家嘛   坐得黎飲咖啡嘅多數都係想 relax   應該要靜小小囉 ~

飲完去做運動   番到屋企 6 點 15 分喇   要快快手手煲湯喇   感恩可以喺 8 點準時開飯   我真係唔鍾意太夜食飯囉   無時間消化好易肥架 ~
是日晚餐 - 叉燒炒燕麥飯 + 合掌手粟米紅蘿蔔豬骨湯
叉燒炒燕麥飯 - 加埋粟米一齊炒   變得好健康咁呀 ~
合掌手粟米紅蘿蔔豬骨湯 - 呢排超乾燥咁呀   真係要潤一潤呢 ~