泡菜炒豬肉 + 炒菜心苗 + 粟米素翅蛋花湯 ( 14-apr-2011 )

( 14-apr-2011 thu )
今朝食早餐嘅時候   我同事突然間過黎   同我一齊食早餐   好開心呀   因為我覺得同同事一齊食早餐食好開心呢 ~


同同事一齊入菇場   我同事負責按密碼   我就開門   但我一開門見菇場好暗   原來係大廈無電   好在我同同事早一步番到咋   唔係可能會困 lift   好在菇場有冷氣   唔係焗暈都似   差唔多 10 點 20 分就恢復電力喇   感恩 ~
晏晝買 Big Mac   其實我唔想食面頭塊包架   唔食又好浪費咁   但食完又好鬼滯喎   同埋 d 洋蔥呢   食完個口一陣洋蔥味咁   要食幾粒香口膠先無味咋 ~


今晚煮飯喇   差唔多10 日無煮   唔想比自己咁懶呀 ~
是日晚餐 - 泡菜炒豬肉 + 炒菜心苗 + 粟米素翅蛋花湯
泡菜炒豬肉 - 之前喺 Piago 買架   細細盒唔錯   但里奧大人話好辣   無鬼用   仲有盒都唔知點整好添 ~
炒菜心苗 - 本來想買小棠菜   但又無喎   所以買 2 pack 菜心苗算喇 ~
粟米素翅蛋花湯 - 上次飲完蘑菇素翅湯之後   覺得加咗素翅都幾好味   多份口感嘛   所以今次喺惠康買咗 pack 台灣素翅 ( $39.9 )  有排食呀 ~
之前我買咗雪糕筒   所以今晚又引到家姐黎食雪糕   其實我鍾意食雪糕筒架   不過里奧大人唔鍾意   我一個人又食唔得咁多   依家就好喇   可以同家姐一齊食   唔駛又食嘢食到驚呢 ~