泰好味 & 佳記B仔涼粉 @ 元朗 ( 20-apr-2011 )

泰式三味魚 ( $75 ) - 侍應話係甜酸辣三種味   炸咗嘅鰂魚   不過條魚都唔似炸過嘅  同埋我都係仲未接受到太多香草嘅味道   但 d 汁都 ok 嘅 

泰式拚盤 ( $48 ) - 我超鍾意食拚盤架   好似好多選擇咁呢馬拉盞炒通菜 ( $38 ) - 都幾大碟   同埋都幾惹味
泰式蝦醬炒飯 ( $42 ) - 我無食呀   飲完個湯都飽  
泰式冬蔭功湯 - 細 ( $42 ) - 都幾酸   但唔辣   都唔錯   不過里奧大人唔飲   自己飲就無乜癮喇   哈哈


室外都有得坐   不過有人食煙   唔想坐囉   所以就坐室內   最離奇就係有兩枱人坐咗一陣就話有陣味   要出去坐   但我地真係聞唔到喎   唔通係我地兩個嘅味   嘩哈哈哈佳記 B 仔涼粉 ( $63 ) - 今次完全覺得 d 生果係用糖水浸呀  樣樣都好似一樣味咁   所以我同里奧大人食咗兩碗仔就要打包番屋企喇   太甜好辛苦呀

( 20-apr-2011 wed )
今朝早餐轉飲熱檸茶   因為覺得飲咖啡都唔係話超級精神   咁不如飲檸茶算喇   無咁肥同埋無咁傷身呀 ~
番到菇場都勁有 holiday mood 呀   真係唔願做嘢呀 ~
今日都涼涼地   所以晏晝自己出去食水餃米粉   本來想食粥   但都係驚食完太熱   都係唔好喇 ~


里奧大人上咗大陸   但佢有車到元朗   所以我同佢去元朗食嘢喇   好耐無坐長程車咁   有 d 唔慣添 ~
我認路係最弱嘅   但今次又比我搵到喎   真係好感恩呢   坐咗一陣里奧大人就到喇   時間啱啱好 ~
一心諗住黎元朗係食泰菜 & B 仔涼粉   所以我都留肚食 B 仔   但最終都係食唔哂   要打包番屋企囉 ~ 
9 點 05 分上車   9 點 45 分到九龍灣   都算快架喇   諗住沖完涼再食埋 B 仔   點知真係食唔落   要留番聽晚食呢 ~