大快活 @ 九龍灣 ( 10-jul-2011 )

( 10-jul-2011 sun )

今朝同里奧大人去大快活食早餐   不過里奧大人話唔好番教會   人多驚撞親傷口喎 ~

里奧大人今朝好乖好主動洗衫   點知洗完呢   個洗衣機蓋 click 住開唔到   仲以為係部老爺機壞   咁再脫水   睇下得唔得   點知都係 click 住開唔到   我就覺得係佢關唔實個蓋囉   打咗兩間維修店都係唔維修洗衣機   之後佢出去睇有無第間整   但有 d 都無開   咁無計啦   唯有等聽日打比惠而浦囉 ~  

難得有人扶   所以我去遠小小食 tea   咁啱比我望到有間維修店整洗衣機   咁即刻 call 啦   好感恩呀   里奧大人頭先都有去睇到   但居然睇唔到呢間係可以整洗衣機   oh no ~

師傅差唔多 5 點半先到   一睇就話關唔實個蓋   咁都好   好在整到   同埋好在係里奧大人整壞咋   唔係又話我架喇   所以我乘機話里奧大人   你整壞嘢   我只會話唔緊要   反正部機都壞壞地   依家一次過 check 埋仲好   如果係我整壞呢   第一句就語氣極差咁話妳搞過 d 咩   一定係妳咁咁咁   哼   我咁講完佢   佢都好尷尬咁笑呀 ~  

整一整要 900 大元   無計   因為過哂保養期   所以如果叫惠而浦黎整   肯定仲貴呀   不過今日無配件   最快可能要聽日或後日先整到 ~

終於可以拎番哂 d 衫出黎   所以即刻拎去舖頭洗   唔係 up 到臭都似 ~舖頭附近無咩嘢好食   所以去大快活算 lu   因為突然好想食鐵板餐呀 ~