椒醬肉 + 絲瓜炒雲耳 by 鐘點 ( 12-jul-2011 )

( 12-jul-2011 tue )
今朝自己整扒芝士吞拿魚三文治   好好味   不過好鬼飽 ~

 

食完睇電視   差唔多 2 點先 lunch   抖陣再食車厘子   個個知我貧血都會買車厘子比我   不過我叫佢地唔好買   我唔想食到驚囉 ~

洗衣機師傅 2 點幾黎到   鐘點 5 點黎到   咁我叫佢幫我洗衫   之後我就睇雜誌喇 ~  
今餐整椒醬肉   佢就咁切 $13 瘦肉 + 1 隻青椒 + 1 塊豆腐乾 + 2 湯匙菜甫 +  1 條絲瓜 +  1 碗仔雲耳   居然切咗一個鐘   無嘢呀嘛 ~
之後我心血來潮去睇下部洗衣機   點知一睇我就發火   佢又亂按   我即刻叫佢黎睇   佢話係我教佢咁按   我話唔好話我教   我肯定無咁教妳   之後佢話以為係咁   話開唔到   所以就按 on/off 制   見佢無反應   所以就再按   嘩   我已經成日講話要等 3 - 5 分鐘先可以開蓋嘛   同埋我好唔客氣話妳唔好以為就當係   唔識就問嘛 ~
我覺得錯要認囉   仲要屈我教佢   好不知所謂   慶到我幾想叫佢走呀 ~
之後無幾耐佢話聽日唔得閒黎   我話好呀   心諗肯定之後唔會再黎   所以我問佢星期四黎唔黎   佢話睇得唔得閒   我想話妳都痴線   講明一至五黎   答我睇下得唔得閒先黎   妳真係以為自己係咩呀 ~
里奧大人番黎我即刻同佢講番呢單嘢   佢笑笑口   佢話佢唔在場   所以不願置評   不過就知道佢做嘢好慢   有眼見嘛 ~
今餐嘅醬汁係我自己調教架   當堂覺得好好味   希望個傷口可以快 d 復原   咁我可以煮番自己鍾意嘅口味呢 ~