( 8-jul-2011 fri )
Happy Friday 啦 好耐無食茶餐廳早餐 所以叫咗外賣炸菜肉絲腸仔麵餐 + 咖啡 我好期待架 不過 d 麵發脹哂 好難食 食咗 1/3 要放棄 ~
之後個人開始唔舒服 睇完電視就瞓 醒咗之後唔想食 lunch 又係睇完電視就瞓 瞓到 4 點半 啱啱鐘點就到喇 ~
今次佢令我發火啦 我好唔鍾意 d 人唔識又唔問 亂搞我 d 嘢 之前已經知佢亂按熱水壺 因為成日有音樂響 我仲以為佢有電話 點知尋晚我發現個熱水壺 d 時間制錯哂 咁應該係佢亂按啦 今日又比我聽到 我即走去話妳唔識要問 妳咁亂按 好易整壞我 d 嘢 ~
其實佢喺度做嘢 我唔會瞓覺 因為我唔想我瞓着佢又問我嘢 又驚佢見到我瞓唔敢問我嘢 自己懶醒搞掂 ~
唉 4 點 45 分開始開機洗衫 無理由 6 點 45 分仲洗緊 咁我個洗衣機有時會 shot shot 地 所以我去睇究竟乜事 點知一睇 見到個制嘅方向錯哂 我問佢點解 佢話部機停咗開唔到 所以就亂按 我塊面當堂黑哂 話唔明就問 整壞部洗衣機好煩架 妳唔清楚就要問 唔好亂搞囉 ~
佢又成 7 點先煮飯 我見佢喺雪柜拎袋豬扒出黎 我覺得好怪 但又諗唔到點解怪 之後佢煮完出黎 我終於知點怪啦 佢應該無醃同埋拍塊豬扒 又無點煎 好似烚咁囉 我已經無咩要求 但都覺得無味囉 之前個鐘點仲話佢識煮飯 煮廿幾人飯添喎 佢做嘢咁慢 真係好難想像煮廿幾個人嘅飯囉 我地兩個人食都用個幾鐘煮 ~
其實我請鐘點係想每日 3 個鐘 做家務 & 煮一餐簡單飯 但我覺得佢真係好慢 所以我好叫佢一三五做 3 個鐘 二四做 2 個鐘 同埋之後我會講明 3 個鐘頭做哂要做嘅嘢囉 ~
沒有留言:
發佈留言