雜錦拚盤 ( 豬扒 / 春卷 / 蝦餅 / 扎肉蝦片 ) - 我最愛嘅拚盤
生熟牛肉河粉 - 今次份量多咗呀 同埋好食咗呀
雞翼腩片撈檬
家姐同工人最鍾意嘅辣椒
芒果雜飲 / 珍多冰 - 以前嘅珍多冰好好飲架 有埋石榴子同亞荅子 勁鍾意食架 依家得 d 啫喱條 唉
( 9-OCT-2014 THU )
今朝超勁餓呀 唔知係咪因為臨瞓前睇飲食節目有關呢 ~
其實想食米粉餐 不過食完真係超勁飽 我又唔想 因為我想晏晝食酸辣米線呀 哈 ~
丫 菇場都忙忙地 但就可以清哂之前無時間做嘅嘢 實在太好喇 ~
Lunch time 出去買零食比家姐 之後就買酸辣米線番菇場食 終於食到有 d 驚 咁就最好 我唔駛心掛掛再想食 嘩哈哈哈哈 ~
我好耐無買薯片喇 因為我唔想再食薯片 不過上次聽家姐話 759 有隻牛肉味薯片 咁買比佢食啦 之後又買 d 糖同朱古力比佢 Poifull 好難買到架 Double Deck 就每人 1 條 因為我好想食呀 兒時回憶黎架
再見喇 酸辣米線 ~~~~~~~~~~
好嘢 無咩嘢做喇 呢幾個月真係好鬼忙 好想有 d 休息時間 ~
放工即走喇 約咗媽咪同工人喺淘大等 媽咪又拎咗湯都買咗生果比我同家姐 所以要工人幫手拎上屋企先呀 ~
差唔多 6 點半就去越棧 家姐就 6 點 45 分左右到 好感恩佢咁快到 因為佢 6 點 15 分先放工 ~
食到差唔多 8 點 送埋媽咪搭的士 家姐就同我一齊番屋企拎嘢 估唔到佢又話坐陣 我覺得佢好耐無上黎坐咁呀 哈哈 不過同佢又係打機 里奧大人成日話我 2 仔底死跟 咁我都認架 家姐幫我抽新動物 抽到隻唔知咩來 佢大叫 因為佢以為係新動物 咁我又叫埋一份 之後佢睇清楚 d 原來我自己本身已經抽到 但佢自己就無呢隻動物 所以覺得係新嘢 之後佢話人叫我又叫 叫乜鬼 哈哈 咩喎 見佢咁開心大叫 我咪一齊叫囉 ~
同家姐一齊打機 佢都好投入 里奧大人唔理我架 叫佢幫我 spin 咁最高係 5 佢 spin 嘅係 1 仲好開心同我講話 1 都唔錯丫 痴孖巾 得佢 up 得出口 哈 ~
我覺得同家姐間唔中都有心有靈犀嘅感覺 我今日買朱古力比佢 佢今日又買咗麥提莎比我呀 其實我之前想買 不過想特價先買囉 我好衰架 成日買咗又唔即刻食 到想食嘅時候就係咁啱用緊特價 激鬼氣 ~
里奧大人 8 點半先放工 所以我送埋家姐搭巴士 之後再去地鐵站接里奧大人 同佢一齊買 Subway 番屋企食 ~
番到屋企即沖涼喇 佢就差唔多 10 點半先沖涼 之後就瞓 我就 11 點幾先瞓呢 ~
沒有留言:
發佈留言