Saizeriya @ 九龍灣 ( 20-OCT-2014 )

煙三文魚凱撒沙律

帕馬火腿

蕃茄煙肉意大利粉

水牛芝士比薩

中華海草

( 20-OCT-2014  MON )

今朝媽咪 11 點打黎   咁我地都起身 lu   里奧大人請假倍我呀   驚我第一日有咩事喎 ~

起身即打電話去 book 覆診時間   好感恩 book 到下星期一嘅 11 點半呢   唔駛咁早起身   哈 ~

里奧大人仲話尋晚瞓得好好添   可能唔駛掛心啦 ~

都係覺得拎拐杖好 d   咁 d 人睇到都會讓下妳   同埋唔會撞埋黎    我覺得最好係我唔會彎毛蝦米咁就住傷口行囉   因為彎住黎行呢   條腰骨痛之餘   傷口又痛喎 ~

去麻酸樂食早餐   食完就要走   真係唔坐得耐囉 ~

12 點幾佢去銀行整嘢   我就寫 blog   呢期無咩記性   襯自己記得就好寫喇   比自己有個記錄   我覺得今次最勁係喺醫院影到相   睇番 d 相覺得勁恐怖架   不過真係想比自己記錄囉 ~

3 點去食 tea   再去街市買定幾日送   豬肉婆見到我咁   我又話做完手術   佢話唔怪得呢排唔見我喎   之後叫我唔好行   里奧大人話行下好 d   豬肉婆話行都唔好行街市啦   人咁多   寫張紙比里奧大人買咪得囉   我話佢都識邊檔   所以要帶佢黎囉 ~

買完即番屋企喇   感恩天氣非常之舒服呀   因為我唔想開冷氣   覺得特別凍咁呀   不過如果有小小熱   我就會即開冷氣   我唔想有汗醃住個傷口囉 ~

今晚媽咪 5 點幾打比我   問我係咪唔記得打比佢   我真係唔記得打比佢噃   因為平時放工就會打比佢家嘛   依家都唔駛番工   所以真係唔記得囉   咁我順便講埋佢知   我做完手術   尋日出院   佢又好驚啦   把聲都變都實哂   佢又問我係咪搵上次醫生同我開刀   又問家姐知唔知   我話家姐一早知啦   所以成日叫我食牛肉補血補血補血 ~

其實本身諗住做手術前幾日同媽咪講   不過里奧大人話唔好講   因為知媽咪咩都驚一餐   一陣血壓高仲慘   又驚媽咪黎探我頻樸   所以唔比佢知好過囉 ~

里奧大人做公司嘢   差唔多 7 點就落去食嘢喇   我勁想食 Prama Ham   所以去 Saizeriya   里奧大人唔想去架   不過知我唔想食飯   所以陪我食呢   佢話佢黎醫院幾日   覺得好似肥咗   嘩哈哈   鬼咩   食完無得郁   咁我食唔哂又要佢食埋   想唔肥都難咯 ~

食完行陣就番屋企喇   抖陣就沖涼   之後睇電視   我同里奧大人尋晚瞓得勁唔好呀   所以今晚 10 點幾就瞓喇 ~