蠔仔肉碎粥 ( 碗 ) - 我自己食哂一碗
細細碗咁食最好 最驚成碗咁食 好似好大食咁
( 7-OCT-2014 TUE )
今朝里奧大人上大陸 咁我都 7 點 40 分起身喇 因為呢期等好耐車 唔想咁趕食早餐呢 ~
好清涼呀 我最愛嘅秋天終於降臨喇 ~
早餐又係食三文治啦 ~
菇場忙呀 我都要幫手做番嘢呀 真係邪囉 我之前寫咗天書比阿齋同花 其實都諗住有 d 係唔會接觸到嘅 可能我唔喺度時先有得做 點知呢 自從佢地接手之後 真係樣樣都有接觸 我喺菇場做咁耐都未試過咁架 ~
今日有 lunch box 唔駛諗食咩都唔錯 哈 ~
準時開工 不過好難專心做到嘢 因為佢地間唔中又問呀問 我又要 check 番佢地做嘅嘢 佢地又成日錯 等佢地改完又要再 double check 其實真係好嘥我時間 因為做完要 check 係基本嘢黎 呢步點都要做家嘛 不論妳係咪暫時幫手做 都係要做呢個 step 囉 依家我幫妳把關 我會好聲好氣同妳講 但其他同事一定唔會啦 錯一次錯兩次錯三次唔係問題 但妳單單都錯 就真係好有問題 ~
最慘就係佢問我嘢 我又要停哂手答佢 之後我都唔記得自己做緊 d 咩喇 丫 連我自己都出錯呀 錯到我自己接受唔到添呀 慘 人生污點 ~
今晚同 CC 食生日飯 佢 8 月頭生日架 本來 8 月同佢食架 之後佢又話驚熱 唔食住喎 到我得佢又唔得 搞搞下到依家先食 同埋我想喺入院前同佢食生日飯呀 ~
Book 咗 6 點半 我同 CC 差唔多時間到 一坐低就係咁傾傾傾 傾到 7 點先一齊叫嘢食 ~
個口好攰呀 唔係食就講 嘩哈哈 不過同 CC 識咗超級耐 所以真係乜鬼都傾到一大餐 可惜佢唔係咁舒服啦 所以 9 點走喇 ~
我搭地鐵番屋企 見到 Mrs.fields 喺 9 點半之後嘅曲奇係買 3 送 3 家姐成日想買黎食 咁即打比佢啦 佢話要喎 咁我就排隊買啦 買完比佢之後再嚇佢 話見佢咁鍾意食 下次我自家焗一盤曲奇比佢慢慢食 嘩哈哈哈哈 佢個樣由 ^__^ 即刻變成 --__--"""" ~~~~
差唔多 10 點先番到屋企 之前同里奧大人講話 9 點半會番到屋企 佢諗住等埋我先沖涼嘛 點知最後又係我沖涼先 唉 累佢遲咗休息添 ~
雖然唔眼瞓 但睇多陣電視都瞓喇 ~
沒有留言:
發佈留言