和民居食屋 @ 九龍灣 + 英記油渣麵 @ 大角咀 ( 24-OCT-2014 )

關西章魚丸子

天婦羅冷蒿麥麵

黑椒粟米牛肉飯

炸雞軟骨

九洲風雞肉飯團   

鬼呀   哈哈

@ 英記油渣麵

勁勁勁辣椒油 - 我點咗芝麻 size 咁細滴落碗   之後都覺得辣  

油渲麵 ( 細 )

雞翼 - 無咩味

蠔油油麥菜 - 個蠔油好味  甜甜地有 d 蒜味  

( 24-OCT-2014  FRI )

10 點起身    落大家樂食早餐    不過無咩胃口   留番火腿同厚多士做 lunch ~

行商場再行百佳   番到屋企沖涼   之後睇飲食男女 

1 點餓呀   食埋火腿厚多士   再加多包朱古力奶   飽哂 ~

我好鍾意星期五睇 "都市閒情" 架   因為全輯都係介紹嘢食   睇嘢食最好心呢 ~

睇完電視就睇聖經   之後就執 file d 文件啦   勁耐無執過   所以係時候執下喇 ~

里奧大人 3 點喺上環見客   5 點半見完   今晚可以一齊食晚餐喇   勁開心 ~

6 點媽咪黎到屋企樓下   叫工人幫手拎 d 生果上屋企先   之後一齊去和民喇 ~

家姐 7 點黎到   里奧大人就 7 點 15 分到   食下傾下都 8 點幾   之後我同家姐送媽咪搭的士   再同家姐行百佳買嘢 ~      

家姐要上我屋企拎嘢   坐到 9 點半就走喇   佢話一陣會同糟糟去食油渣麵   咁我都想去呀   里奧大人話佢都做公司嘢   所以叫我出去傾下計都好丫 ~

10 點 15 分打比家姐   問佢點解咁耐   因為我以為糟糟已經喺屋企   原來糟糟要幫公司翻譯   所以 10 點半先放工   其實咁夜真係唔想出去   但又勁想食油渣麵囉   所以等啦   哈哈 ~

終於 11 點出發   咁啱我翻轉頭入屋拎嘢比家姐   聽到里奧大人講嘢   原來係晴晴打黎搵我呀   真係好啱囉   因為本身我唔入屋拎嘢家嘛   不過約咗家姐   所以叫佢 3 分鐘之後再打比我呀 ~

晴晴真係好乖架   佢知我做完手術   話好擔心我呀   講咗幾次   之後知我去食油渣麵   就叫我要戒口呀   唔好食肥膩嘢   成個婆仔咁   同佢傾咗 5 分鐘   因為澳洲已經係夜晚 2 點幾   太夜喇   我要佢快 d 瞓呀 ~

11 點幾去到英記   都有唔小人食   我就真係好小食宵夜   應該係無食宵夜嘅習慣   因為食飽瞓覺   會頂住頂住好辛苦囉   同埋 11 點喇   瞓覺架喇   哈 ~

食下傾下都差唔多 12 點幾   要走喇   勁眼瞓 ~

家姐車埋糟糟番屋企就車我番屋企喇    估唔到里奧大人已經瞓咗 lu   咁我沖涼嘅時候   無啦啦開門同我講 " 番咗黎喇 "   之後就出番去   嚇死人咩 ~

等埋家姐 whatsapp 我到屋企   抖多陣就瞓喇   吹完頭熱辣辣瞓唔到架   所以 1 點幾先瞓   勁夜囉 ~