辣汁沙甸魚 + 水餃雲吞米粉 + 菜心 ( 12-OCT-2014 )

( 12-OCT-2014  SUN )

今朝其實我 7 點 45 分已經醒咗   因為我一覺瞓天光   爽呀   不過我就懶床到 8 點 45 分先起身呢 ~

同里奧大人落去食早餐   沖涼抖陣就番主日學喇   接住就崇拜   今日約咗媽咪同家姐飲茶   所以我聽完道就走喇   里奧大人就奉獻完先走呢 ~

飲到差唔多 2 點就走喇   之後去買菜   送埋家姐搭車就去麥記買麥香雞包比里奧大人食   咁佢唔駛滕黎膝去 ~

佢仍然做公司嘢啦   我就睇下雜誌   休息下   4 點瞓鬼埋添呀   瞓到 5 點幾   之後勁精神呀   但最驚係今晚瞓唔瞓到   哈哈 ~

里奧大人話想早 d 食   咁好啦   差唔多 7 點有得食   但其實我食唔落   所以食下停下   差唔多 8 點先食完 ~     

是日懶餐 - 辣汁沙甸魚 + 水餃雲吞米粉 + 菜心 

辣汁沙甸魚 - 終於食埋最後一罐喇   好似買咗好耐   但好在未過期   嘩哈哈 ~  

水餃雲吞米粉 - 係尋晚食剩 d 水餃雲吞   加個米粉就當一餐   真係唔錯 ~  

菜心 - 激氣   $7/斤我唔買   特登買 $9/斤嘅本地菜心啦   點知多渣又唔甜   唉 ~   

今晚突然間諗起自己一個人住醫院就喊喇   嚇親里奧大人添   我真係好唔慣自己一個人囉 ~

沖埋涼就食家姐買比我地嘅糕點   之後就睇電視休息喇 ~   

今晚 11 點幾瞓   其實我真係瞓唔着   但又唔想太夜瞓囉 ~