元氣壽司 @ 九龍灣 ( 14-OCT-2014 )

@ 金滿堂

( 14-OCT-2014  TUE )

里奧大人約咗阿頭今朝 8 點喺九龍塘地鐵站交收文件   所以佢 7 點要起身   我就照平時一樣 7 點半起身   不過其實佢醒咗   我都無咩點瞓到咁囉 ~

早餐食熱狗餐   今次隻狗仔好靚呀   烘過再加牛油嘅麵包真係好好食呢 ~

菇場唔忙啦   所以勁想瞓   我依家覺得無嘢做就勁想瞓   都係忙 d 好呢 ~

Lunch time 出去食粥   因為菇場勁凍呀 ~

食完行陣就番菇場喇   因為又有 d 熱   嘩哈哈哈哈   煩到暈呀呢 ~

放工即走啦   要去剪髮   今次剪短 d   所以要到呢日先剪   我唔想比同事見到我短髮嘅樣   咁里奧大人同 CC 話好心早兩星期去剪   我話驚長得快呀   佢地都不約而同反哂白眼話兩個星期會長得幾多呀 ?!?!?!

今日家姐生日呀   所以同佢食元氣壽司   其實我超勁開心架  因為初初諗住出院後就同佢食生日飯   點知依家變咗我入院前可以同佢食生日飯   唔駛心掛掛呢   哈哈 ~

丫    剪完頭髮都差唔多 7 點   即刻飛去元氣喇   因為我想坐卡位嘛   好感恩等咗 15 分鐘就有位   家姐 7 點半都到   里奧大人就 7 點半放工   所以都可以一齊食呢   開心開心 ~

識家姐嘅人都知佢係八哥痴   所以送嘢比佢最好   呢個八哥釘書機係家姐同事送比佢架   好有心呢

家姐名言 "食完鹹要食甜"   咁同佢食埋甜品啦   個個食到好飽   哈哈 ~

之後各自歸家喇   番到屋企即沖涼   再 double check 入院嘅用品   諗住用細袋   但里奧大人實在太細心喇   係都要我帶哂厚褸薄褸風褸同大披肩   所以最後都要轉紅色大袋   磅下有 13 磅呀   我話唔想咁重   但里奧大人話佢拎   唔驚重   真係好感動   我覺得佢真係好愛我呢   哈哈 ~

11 點幾瞓喇   聽朝 8 點 45 分要起身喇   因為 10 點之後唔準食口嘢架喇 ~