大食會 @ 教會 ( 28-JUN-2019 )

我喺繼光香香雞買嘅蒜脆杏鮑菇 ($50/大) / 香香炸雞 ($50/大)

胡麻脆雞翼 ($70/10 隻)

我買嘅土匪雞翼味薯片   咁魚皮花生就分哂比弟兄拎番屋企慢慢嘆   因為食剩好多   哈哈    

影完呢盒壽司   我都影唔切其他了   呵呵

其實仲有好多嘢食

有位長青團嘅姊妹炸嘅咗好多印尼蝦片   所以傳道人就比埋我哋食   佢拎咗 3 大包   但我哋要 1 包就夠了

終於試咗   好有孜然味   個個都話好味   哈哈   咁就好喇   第時我買薯片就可以開心 Share 呢

上半年生日就可以切蛋糕   哈哈

( 28-JUN-2019  FRI )

話咁快又過咗半年   呢半年比較忙   所以真係超過容易就過咗一日咁呢 ~

早餐食芝腿治烘底   唔想諗 ~

菇場忙呀   好在夠精神 ~

Lunch Time 出去買酸辣米線番菇場慢慢食   食足半個鐘   熱都變凍   但無計   因為碗米線超級熱   唔想食到出汗 ~

仍然忙   最搞笑肥仔豪叫我放假後先比佢   我話我聽日番工喎   點知佢話佢聽日放假   哈哈   因為好多時係我放假先會咁做嘛 ~

放工即走   約咗里奧大人喺圖書館   第一次覺得圖書館咁嘈   真係菇場都靜過佢呀   哈哈 ~

搞掂哂就去買嘢   今晚小組生日會   每家庭整 1 樣食物   咁我一定係買啦 ~

7 點半番到教會   因為今晚係我同里奧大人負責領詩同祈禱   所以要早啲番去 Set-up ~

我第 1 次領禱真係勁緊張   我上次生日會   因為領詩同祈禱係 1 Part   我話如果要祈禱就退組    哈哈哈哈   佢哋好大反應啦   話唔駛咁誇呀嘛   哈哈   咁之後我望住個表好耐   牧師見到我咁   就問我咩事 ?!   我話我好驚祈禱   佢話咁揀另一樣啦   我話其他又唔識   不過點都要試下嘅 ~

差唔多 7 點 45 分開始詩歌敬拜    8 點可以開餐 ~

一路食一路傾真係超級開心   真係好感恩我班弟兄姊妹個個好玩得又搞笑   同埋個個都好關心對方   我哋每次喺群組都有待禱事項   佢哋都會私下問我點情況   又教我點點點 ~      

咁我哋要出隊嘛   要一齊練歌   姊妹 TT 負責司琴   再教埋我哋拍子   我哋唱完   TT 話我哋仲有好大嘅進步空間   里奧大人就拉長個好字來講   笑死我哋 ~

之後又問我哋 O 唔 OK ?!   弟兄 AS 話妳覺得我哋 O 唔 OK 吖 ?!   我哋梗覺得自己 OK 啦   哈哈哈哈   又話 TT 教我哋教到嘔血   我哋五音不全   TT 話唔係   之後里奧大人話只係四個音不全啫   哈哈哈哈 ~

咁 TT 再教我地唱歌技巧   點唱高音同低音   弟兄 AL 話無問題㗎   我哋高同低都係一個音   真係笑到肚痛   話我哋好似唱 K 咁哋架咋 ~

但成個過程都睇到 TT 真係好比心機教我哋   講嘅嘢係好正面好鼓勵   我都要向佢好好學習   起碼聽嘅人真係好舒服 ~

差唔多 10 點幾先走呀   番到屋企即沖涼喇 ~

今晚成 11 點 45 分先瞓   好在有睡意咋 ~