Babymama: 維景酒店 @ 深圳 ( 21-SEP-2019 )

( 21-SEP-2019 SAT )

今朝 9 點半起身沖埋涼都已經 10 點半要去食早餐喇食完就番屋企抖陣再關好哂所有制就出發喇 ~

今日去深圳 2 日 1 夜遊就咁帶背囊就可以非常方便 ~

坐大巴去皇崗 11 點 55 分開車車程非常之暢順所以 12 點 25 分落車過關勁快呀 ~

呢度係中途站感恩有孖位坐

要即場買車票可能班次密呀好似 10 分鐘一班

@ 12 點半

好好天氣呀

我哋坐呢啲大巴

12 點 45 分就搭的士去酒店

今次唔跟美食團因為真係唔想咁趕同埋又真係唔想食咁多餐雖然我鍾意食但就唔係團餐呢啲囉哈哈 ~

同埋兩個人加埋都接近 $1,800 我話不如自己周圍行行食食好過啦可能到最後都差唔多價錢但起碼食到自己鍾意嘅嘢嘛 ~

去到酒店職員話無我哋記錄好在里奧大人叫我 Print 定張 Booking Form 咋比酒店 Check Record 就易啲囉唔知係咪見我哋耐心等待呢之後話 Upgrade 比我哋去豪華房呀勁開心 ~

@ 深圳維景酒店 (Queen Suite) - HK$435/晚
東門中路 2088 號維景酒店 11 樓 (地鐵曬布站 A2 出口)

即時諗起清邁間酒店

走廊位好闊同光猛

正呀我覺得好似 Apartment

望出去

房間

電視機喺大牛龜關機有聲㗎但唔識點講好似啲卡通片打電話去外太空之後收線嗰啲聲呢係咁叫好搞笑

第一次喺大陸住有廚房嘅酒店但係無煮食爐嘅

關埋房門都算光猛我同里奧大人講第 1 次住呢啲酒店如果今晚唔去食店食晚餐買嘢番嚟食都好呀所以佢係知我好鍾意呢間酒店哈哈

抖咗陣就去食嘢呢間酒店嘅電梯可以直到地鐵站勁方便呀 ~

電梯要插卡先上到樓層我覺得咁樣安全好多呢

Food Court (為食街)

睇下有咩食見到有芋圓但唔想食住咁里奧大問職員幾點收舖 ?! 個職員話 10 點之後仲好開心咁同里奧大人講話 : 等你我哋第 1 次見到咁熱情嘅職員哈哈

都好難夾到喎

真係想話試下唱 K 但我只得人仔囉其實依家無咩人用人仔㗎喇

都好多食肆

睇完有咩食原來都 2 點半食嘢我話食啲嘢先如果唔係去到金光華要 3 點我驚太餓喇 ~

A 出口

酒店直落就係地鐵站真係好方便

鼎泰隆個名好掂哈哈

金牌蟹黃灌湯包 (RMB28 / 5個) - 咬開只見菜同肉之後里奧大人勁呀話粒橙色嘢就蟹粉哈哈哈哈

牛腩湯麵 (RMB25) - 味道都 OK 喎加多罐可樂 (RMB4) 呢餐都抵食

晒布站我覺得個名好得意同埋上次同小組旅行去過呢個站呢

食完就去搭地鐵里奧大人話有車到我話唔好追啦唔想咁趕點知對車門無啦啦又開咗咁我就話跑啦哈哈哈哈真係次次都係咁叫人唔好做點知自己走去做 ~

入到車廂仲要等陣先關門開車真係好在入咗去咋唔係等下班車就要耐啲呢呵呵 ~

去金光華廣場都好方便國貿站 A 出口里奧大人好耐之前喺國貿貿站番工所以次次去親都好有親切感同埋次次都會講買早餐嘅麵包店咁都好嘅係個開心嘅回憶嘛 ~

車廂嘅出口指示好清楚

@ 金光華廣場

奈雪之茶無位呀

海底撈出面擺哂啲枱櫈比客人等位嘅時候坐呢

有茶包同濕紙巾

好想玩 VR

周圍行陣咁鮮芋仙無位再繼續行下啦之後里奧大人見探魚無人排隊話去食喎咁好啦 ~

@ 探魚

芒果乾好味道呀

好鍾意呢啲杯

啱喇

淩波魚 (無小刺 ) - 我要麻辣味依家無哂配料喎不過無都好因為次次都食唔哂但就咁齋食魚又好單調想叫小食又食唔哂因為小食嘅份量都好多呢

啲煙吹向我呢邊

條魚係切開一半所以食起來好方便

醃蘿蔔好鬼鹹

香辣味已經係極限哈哈

我問里奧大人咩叫無小剩 ?! 里奧大人好大反應話無小刺呀哈哈無計啦老花濛查查睇得唔清楚呢

門口放咗啲零食

食完再去奈雪の茶睇有無位啦不過都係無位仲要排隊添所以放棄喇繼續周圍行下好過 ~

行到 4 點半再經過鮮芋仙有位咁又食碗芋圓啦芋圓真係超級飽肚哈哈 ~

@ 鮮芋仙

咁有顯示器比我哋嘅但最後係個店員拎甜品過嚟佢放低碗甜品再望下我哋之後我哋話無響過佢一拎起都知道個顯示器係壞咗我心諗唔係以為我哋唔知個顯示器係咩用途呀嘛哈哈

芋圓 1 號 (RMB23) - 其實唔多鍾意食綠豆同蓮子但叫比里奧大人食等佢清清熱氣同埋好飽如果唔係想食芋頭哈哈

好大碗呀 就咁睇芋丸都好煙韌咁而事實真係好煙韌呀正呀

食完再去望奈雪の茶有無位居然有幾個位添呀但真係飲唔落喇同埋食完碗冰成個人凍嘢都唔想飲凍嘢住喇 ~

好飽呀真係要行多陣先咁去間舖頭睇衫我唔知個 Sales 拎咗件衫企喺我後面等比我睇我見到之後即話唔好意思啦佢見我用廣東話講佢都用番廣東話同我講唔好客氣之後佢個樣好開心咁話我好客氣喎好搞笑仲好開心同我哋拜拜哈哈 ~

終於買咗 1 Pack 髮夾咁其實想買多幾 Pack 但可能東門都有所以問里奧大人買唔買好 ?! 佢話去東門買喎 ~

搭地鐵去老街因為想去 Miniso 買 Kakao Friends 精品呀 ~

@ 東門

行呀行因為唔係行商場入面有啲熱所以行咗個幾鐘都開始感覺到攰喇差唔多 6 點半又飲杯嘢個口真係唔停咁呀哈哈其實都行到攰攰哋要搵地方坐下呢 ~

@ 奈之雪茶

我飲霸氣芝士芒果 (RMB30) 有芒果肉但有冰就扣分啦哈哈

抖咗陣又繼續行但居然無髮夾買囉承機話里奧大人老點啦 ~

好少喺老街行咁耐因為好多時嚟到老街都無咩細心點行因為趕住番香港今晚喺深圳過夜咁就可以慢慢行呢 ~

第 1 次咁夜仲喺東門行街街

我以為係奮街里奧大人話廟街呀第 1 次見廟嘅簡體字完全唔同寫法嘅哈哈

原來已經 7 點即去買個鍋餅食我之前已經見到有人食㗎喇我覺得里奧大人會鍾意食囉但唔知喺邊個位置所以好感恩經過見到呢所以即刻叫里奧大人買嚟食呀 ~

影呀影行埋去都幾熱

唔知掃啲咩

開始多人買喇

估唔到仲有得坐添啊

等餅期間又睇下佢哋嘅製作過程

動作要快

再放一個入爐呢個動作就辛苦啲因為爐入面肯定好熱

正呀未食先話正所以里奧大人成日話我好為食哈哈

紅糖鍋盔 (RMB8)

熱辣辣

大過我塊臉好彩哈哈哈哈

豆沙餅嘅餡唔甜但有紅豆味道同埋個餅係唔油㗎好味道呀里奧大人非常之鍾意食呢

食店喺屈臣氏隔離

食完就番酒店喇咁搭地鐵之前里奧大人居然買到隻保溫杯 (RMB40) 佢肯定鍾意因為佢好少話買嘢呢 ~

我好鍾意行呢啲店舖好多得意嘢睇㗎不過價錢唔平囉

曬布嘅兩個寫法

8 點番到酒店附近我話想去 7-11 買芋片咁一入到去我話頭先咪行過囉 ?! 笑死我原來東門行去酒店係咁近怪不得里奧大人頭先話行番酒店都得啦但夜晚行就唔敢博囉費事行咗唔知去咗邊仲煩 ~

之後去 KFC 買嘢食同埋去 COCO 買飲品最後去埋 Food Street 買糖水就番酒店喇 ~

頂唔順 Print 成咁