韭菜餃拚墨魚滑 + 菜心苗 ( 15-JAN-2020 )

家姐買比我嘅米奇老鼠餐具   點都要用下啦   咁我將啲豉油倒哂落四隻耳仔度   之後再將餃子醋倒落另一隻碟仔   里奧大人話做咩唔將另一隻耳仔倒醋呢 ?!   咁咪洗少一隻碟囉   咁又係喎   點解我當時無諗到嘅

用 XO 醬撈勻食   成口油咁   下次都係咪搞   就咁淥算喇

( 15-JAN-2020  TUE )

今朝問里奧大人瞓得好唔好 ?!   佢話一般   佢話發夢係咁摸我有無發燒   不過我話佢真係有摸我喎   所以我都唔係幾咁郁   因為我一郁   佢就會摸我   咁佢真係會瞓得唔好呢 ~

本身話今朝同佢食早餐   但我話都係唔同佢食喇   個人好攰咁 ~

早餐食腿治蛋   我其實好想食通粉   但茶記有啲焗   唔想食到出汗 ~

咖啡少奶   所以係好濃好苦   哈哈

菇場唔忙   但每月一到有啲攰囉   無啦啦做咩來探我呀   嗚嗚嗚嗚 ~

Lunch Time 出去幫里奧大人配公司鎖匙   要去 2 間先配到   搞掂哂都已經 1 點 05 分   拿拿聲買盒菜番菇場食喇 ~

仍然唔忙   不過真係好攰   唔知係咪食咗消炎藥呢 ?!

放工去街市買餸   買完都即番屋企預備喇 ~      

是日懶餐 - 韭菜餃拚墨魚滑 + 菜心苗  

韭菜餃拚墨魚滑 - 買咗 $20 墨魚滑   再加幾粒牛筋丸   咁唔駛咁悶只食餃   衰奧問啲嘢係咪過期要一次食哂呀 ?!?!   我鬧鬼佢啦   今日特登去買㗎   不過又唔怪得佢   無啦啦整咁多又真係好似食過期嘢咁嘅   哈哈哈哈 ~      

菜心苗 - $12/斤   阿姐話買兩斤啦   廿蚊好抵   不過我話真係唔要喇   我今晚先煮半斤   買兩斤咪要食四餐 ?!   唔好喇啩 ~

洗埋碗就開機洗衫   之後沖涼休息喇 ~

我覺得食完啲藥   對眼有啲腫腫哋唔係咁舒服   里奧大人都話我對眼腫   叫我唔好食啲藥   但我話我仲未好番呀   點都要食埋去囉 ~

今晚蘸豉油食水餃   平時只係蘸餃子醋㗎咋   所以今晚特別口渴   咁我飲包薄荷朱古力奶   里奧大人就話想增肥呀 ?!?!   之後我平音同佢講:   唔好再喺我面前講個肥字   你只能夠講咁樣唔會瘦   之後佢話我都痴痴嘑哋線   哈哈哈哈 ~

11 點幾都瞓   但其實唔太眼瞓   不過對眼好攰咁囉 ~