住家飯 @ MIMI 屋企 ( 1-OCT-2023 )

大刀風味白肉 - 呢個都好味   但我肚唔舒服   唔敢食咁多

有青瓜同冷麵舖底   呢兩樣先正呀   哈哈   

酸辣爽豬手 - 最鍾意食豬手粒

蒜蓉蒸杉斑腩 - 咁就食同送飯都好味

西蘭花苗 - 呢個反而食得最多   點都要有嘢落肚嘛   呵呵

流浮山窯燒雞 (外賣) - 焗熱食都好味 

我食咗 1 件咋   如果唔係肚唔舒服   我一定食塊燒雞皮呀   哈哈

泰式甜品 (外賣) - 都唔記得咩味道了   只記得好凍   哈哈

( 1-OCT-2023  SUN )

尋晚瞓得都唔錯   但可惜朝早肚痾   仲痾咗 5 次呀   今日仲要事奉同埋去阿 mi 屋企   真係好驚去唔到啦 ~

咁沖埋涼再抖下   感恩個肚無再痛   可以去食早餐 ~

食完早餐都要番屋企休息下先喇   抖咗個幾鐘就去番學   點知都係頂唔順   最後要去里奧大人公司瞓陣   因為一陣要去事奉   所以點都要有精神 ~

諗住坐巴士休息下啦   點知同紫人同車   佢仲好開心話一齊坐   咁唔坐唔得啦   所以由上車傾到我落車 ~

番到教會   真係做嘢都慢九拍   同埋真係攰到無咩笑容   好在依家戴口罩   唔係弟兄姊妹以為我黑面呀   哈哈 ~

感恩今日 1 點半就完哂所有事奉   里奧大人就啱啱搭車過嚟   咁等埋佢先去食午餐 ~

我唔想食酸辣   所以食招牌清湯河   但食剩一半呀   激死我   應該同里奧大人 Share 一碗咪得囉   同埋佢都只係小辣   唉

食完就行去搭巴士   架車又 Chok 又 "鄧"   咁我好攰要瞓覺嘛   但全程好似食咗 Fing 頭丸咁   個頭係咁 Fing   不過我都瞓到   呢下先勁 ~

我都唔知坐咗幾耐車喇   總知里奧大人叫我落車就落車   哈哈 ~

里奧大人打比阿 mi 約地方等   佢講完兩個超市名之後就去搵啦   去到又話唔記得係咪呢個超市名   真搞笑   但如果係講買電腦同相機嘅店名   佢就一定記得 ~

同阿 mi 終於相見啦   接近 4 年無見喇   佢一見到里奧大人就打佢幾下   我就可以攬下佢   哈哈 ~

去咗 1 間無   再去阿 mi 屋企附近 7-11   感恩有得買   我緊張到話買微熱山丘月餅   其實我講嘅時候都覺得怪㗎喇 ~

我之前同里奧大人講好咗   話我一陣入 7-11 買嘢比阿 mi   你就陪佢傾偈   唔好行入去   點知我搵緊微熱山丘嘅時候   見佢哋入咗 7-11入面   我叫佢哋即刻出去呀   哈哈 ~

去到阿 mi 屋企又要再重新參觀一下啦   參觀完就一齊坐低傾偈 lu ~

本來想買花街嘅   但唔見有囉   可能新年先有貨啩   之後見到 7-11 有微熱山丘鳳凰酥就仲好   不過就得番呢個禮盒裝

阿喂 4 點左右番到屋企   佢話沖個涼再一齊傾喎 ~

阿喂放工去拎雞   依家啲包裝都好靚下

一開個盒   個個一齊裝下   哈哈

真係傾傾傾   傾到 6 點半開餐 ~

一路食一路傾   食完涼拌再食熱食   今次真係唔駛阿 mi 成日喺廚房整嘢   始終太耐無見   真係想傾偈多啲囉 ~

食食下嘢   見到里奧大人手指流血   原來佢頭先抽張櫈嘅時候整親呀   之後阿 mi 比藥膏佢搽   再話自己係南丁格 mi 幫里奧大人處理傷口   咁我就唔駛擔心啦   哈哈 ~

今晚傾偈好好笑   阿喂講開工作食飯時間同病假   又問我有無試過早走   我當然有啦   不過一定問準西瓜嘅   之後佢講佢早走要點點點   笑到我同里奧大人碌地   哈哈 ~ 

食完甜品傾多陣   原來已經 11 點   係時候走人喇 ~

喺阿 mi 屋企又痾咗 3 次   其實個人都有啲虛脫   不過難得見面   點都要頂住啦 ~

1111   所以要影低紀念下   哈哈

番到屋企即沖涼   再喺群組傾多陣   差唔多 12 點先瞓呢 ~